The news is by your side.

Advertisement

کراچی: مکان میں 100 میٹر طویل سرنگ کی کھدائی کا معاملہ الجھ گیا، مقدمہ درج

کراچی: شہرِ قائد کے علاقے ناظم آباد میں ایک مکان میں سو میٹر طویل سرنگ کھودے جانے کا معاملہ الجھ گیا ہے، پولیس نے واقعے کا مقدمہ درج کر لیا۔

تفصیلات کے مطابق کراچی کے علاقے ناظم آباد میں پانی چوری کے لیے سو میٹر طویل سرنگ کی کھدائی کا معاملہ الجھ گیا ہے، پولیس نے واٹر بورڈ کی مدعیت میں مقدمہ درج کرکے تفتیش شروع کر دی۔

مقدمہ واٹر بورڈ کے عملے کی مدعیت میں درج کیا گیا۔

80 گز کے مکان میں 15 فٹ گہری کھدائی کی گئی ہے، جب کہ 100 میٹر لمبی سرنگ نکالی گئی۔

پولیس کا کہنا ہے کہ کھدائی بند مکان میں کی جا رہی تھی، جب مٹی مکان سے باہر نکلنے لگی تو شک ہوا کہ مکان میں کوئی مشکوک سرگرمی جاری ہے۔

پولیس نے بتایا ہے کہ مقدمہ واٹر بورڈ کے عملے کی مدعیت میں درج کیا گیا، دوسری طرف مکان مالک کی تلاش کے لیے چھاپے بھی مارے جا رہے ہیں۔

یاد رہے کہ 2014 میں کراچی کے سینٹرل جیل کے قریب واقع گھر میں بھی کھدائی کے ذریعے 100 فٹ طویل سرنگ پکڑی گئی تھی، جس کے ذریعے جیل میں موجود کالعدم جماعتوں کے اہم رہنماؤں کو نکالا جانا تھا۔

یہ بھی پڑھیں:  کراچی جیل میں سرنگ: گھرپولیس اہلکارکی ملکیت تھا

جیل کے سامنے فرنٹ سے دوسرا گھر ملزمان نے سرنگ کھودنے کے لیے خریدا تھا، جس گھر سے سرنگ کھودی گئی وہ پولیس اہل کار کی ملکیت تھا جو صرف دو ماہ قبل چار گنا زیادہ قیمت پر فروخت کیا گیا تھا۔

رپورٹ میں کہا گیا تھا کہ سو فٹ سرنگ کھودی جا چکی تھی جب کہ جیل کے اندر تک پہنچنے کے لیے صرف چالیس سے پچاس فٹ کی کھدائی باقی تھی۔

Comments

comments

یہ بھی پڑھیں