ہر انسان اپنی زندگی میں خواہشات کی ایک لمبی فہرست بناتا ہے جس میں طرح طرح کے لذیز کھانے، بہترین لباس، کسی سیاحتی مقام کا دورہ، اسکائی ڈائیونگ جیسی چیزیں شامل ہوتی ہیں۔
اسی طرح آسٹریلیا سے تعلق رکھنے والی 100 سالہ خاتون جین بیکنٹن نے بھی خواہشات کی فہرست بنائی، مگر اس میں سب انوکھی خواہش گرفتار ہونا تھی۔
جین بیکنٹن نے اپنی سویں سالگرہ کے موقع پر اس خواہش کو پورا کرنے کا فیصلہ کیا اور وکٹوریا پولیس نے ان کی مدد کی۔ اہلکاروں نے برتھ ڈے پارٹی کے دوران انہیں گرفتار کیا اور ہتھکریاں لگا کر تھانے لے آئے۔
جین بیکنٹن نے آسٹریلیا کی فوج میں کئی سالوں تک نرس کے فرائض انجام دیے۔ وہ شراب نوشی، بغیر لائسنس ڈرائیونگ اور کئی قوانین کی خلاف ورزی میں ملوث ہونے کے باوجود کبھی گرفتار نہیں ہوئیں۔
وکٹوریا پولیس اہلکاروں نے انہیں گرفتار کرنے کے بعد فیس بک پیج پر تصویر شیئر کی جس میں جین بیکنٹن انتہائی خوش دکھائی دے رہی ہیں۔
معمر خاتون کی انوکھی خواہش پوری کرنے پر سوشل میڈیا صارفین نے وکٹوریا پولیس تعریف کی۔
