کراچی: سال دوہزار اکیس میں قومی کرکٹ ٹیم کی کارکردگی نے عالمی سطح پر اپنا لوہا منوایا، جس کے ثمرات قومی کرکٹرز کو ملنا شروع ہوگئے ہیں۔
تفصیلات کے مطابق کرکٹ کی معروف ویب سائٹ (کرک انفو) نے سال 2021 کے بہترین بیٹرز کا اعلان کردیا ہے اور یہ قرعہ پاکستان کے فخر زمان کے نام نکلا ہے۔
فخر زمان کو یہ اعزاز گذشتہ سال جنوبی افریقا کے خلاف ویندرڑ(جنوبی افریقا ) کے میدان میں 195 رنز کی شاندار اننگز کھیلنے پر دیا گیا جو انہوں نے میزبان ٹیم کے خلاف اسکور کئے تھے۔
Fakhar Zaman won the ODI batting award for his blistering 155-ball 193 against South Africa at the Wanderers, the highest score in an ODI chase 😮https://t.co/aFFhgAL9MC #ESPNcricinfoAwards pic.twitter.com/CgZEydx3kV
— ESPNcricinfo (@ESPNcricinfo) February 10, 2022
کرک انفو کی جانب سے سال 2021 کےبہترین بولر شاہین شاہ آفریدی رہے، آفریدی نے ٹی ٹوئنٹی ورلڈکپ میں بھارت کے خلاف 3 وکٹیں حاصل کیں تھی، جس کی بنا پر انہیں یہ ایوارڈ تفویض کیا گیا، اس سے قبل آئی سی سی کی جانب سے بھی پاک بھارت ٹاکرے میں شاہین آفریدی کے اسیپل کو سال کا بہترین اسپیل قرار دی جاچکا ہے۔
کرک انفو کی جانب سے سال کے بہترین کپتان کا قرعہ نیوزی لینڈ کے کین ولیمسن کے نام نکلا، دو سال قبل 50 اوورز کے ورلڈکپ میں شکست کے بعد گذشتہ سال نیوزی لینڈ نے بھارت کو چت کرتے ہوئے پہلی ورلڈ ٹیسٹ چیمپئن شپ اپنے نام کی تھی۔
تاریخی ٹیسٹ میچ میں ولیمسن کی کارکردگی متاثرکن رہی، جنہوں نے اپنی پہلی اننگز میں بھارت کے خلاف 49 رنز بنائے، ولیمسن نے 5 گھنٹے تک بھارتی بولرز کا ڈٹ کر مقابلہ کیا جبکہ دوسری اننگز میں 52 رنز کی عمدہ اننگز کھیل کر نیوزی لینڈ کو کرکٹ کی تاریخ کی سب سے یادگار فتح دلوائی۔
