لاہور: جناح ہاؤس پر حملہ کرنے والے 102 شرپسندوں کی شناخت ہوگئی ، جس میں 13 خواتین شامل ہیں، شناحت ہونے والوں کی جسمانی ریمانڈ کی استدعا کی جائے گی۔
تفصیلات کے مطابق انسدادہشت گردی عدالت لاہور میں جناح ہاؤس پر حملہ کیس کی سماعت ہوئی، جس میں عدالت کو بتایا گیا کہ 9 مئی کے واقعات میں ملوث شرپسندوں کی شناخت ہوگئی ہے۔
پولیس نے کہا کہ جناح ہاؤس میں توڑ پھوڑمیں ملوث89 مرد اور 13 خواتین کی شناخت ہوئی، 102 افراد جناح ہاؤس حملہ کیس میں اور9 مئی کے واقعات میں ملوث ہیں۔
پولیس کا کہنا تھا کہ گرفتارملزمان کی شناحت جیل میں مجسٹریٹ کی موجودگی میں ہوئی، 13 خواتین میں خدیجہ شاہ، صنم جاوید، عالیہ حمزہ، ہما، ماہا ، ارم اور عائشہ مسعود ، طیبہ راجہ، خدیجہ، ممتاز اور مریم شامل ہیں۔
پولیس کے مطابق آج انسداد دہشت گردی عدالت میں 126 ملزمان کوپیش کیا گیا، شناحت ہونے والے 89 مرد اور 13 خواتین کے جسمانی ریمانڈ کی استدعا کی جائے گی تاہم شناحت پریڈمیں شناحت نہ ہونے والے 24 افراد کو رہا کیے جانے کا امکان ہے۔
