سیکھنے کی کوئی عمر نہیں ہوتی، مہد سے لحد تک علم حاصل کرو جیسے محاورے کو بھارتی خاتون نے 104 برس کی عمر میں تعلیم دوبارہ شروع کرکے امتحان اعلیٰ نمبروں سے پاس کرلیا۔
بھارتی خبر رساں ادارے کا کہنا ہے کہ پڑوسی ملک بھارت کی ریاست کیرالہ کی رہائشی بزرگ خاتون کے 104 سال کی عمر میں تعلیم حاصل کرنے کے عمل نے ثابت کردیا کہ حصول علم کی کوئی عمر نہیں ہوتی۔
سو سال سے زائد عمر کی حامل خاتون کی ریاستی امتحانات میں اے ون گریڈ کرنے پر کیرالہ کے وزیر تعلیم نے بزرگ خاتون اور دیگر تمام نئے سیکھنے والوں کےلیے نیک خواہشات کا اظہار کرتے ہوئے کہا کہ ‘104 سالہ کتیاما نے ریاست کے خواندگی مشن امتحان میں 100 میں 89 نمبر حاصل کرکے ثابت کردیا کہ علم کی دنیا میں آنے کےلیے عمر کوئی رکاوٹ نہیں’۔
104-year-old Kuttiyamma from Kottayam has scored 89/100 in the Kerala State Literacy Mission’s test. Age is no barrier to enter the world of knowledge. With utmost respect and love, I wish Kuttiyamma and all other new learners the best. #Literacy pic.twitter.com/pB5Fj9LYd9
— V. Sivankutty (@VSivankuttyCPIM) November 12, 2021
واضح رہے کہ ریاست کا خواندگی امتحان چوتھی جماعت میں کامیابی حاصل کرنے کے مساوی ہے۔
میڈیا رپورٹ کے مطابق بھارتی ریاست کیرالہ کی حکومت کی جانب سے شرح خواندگی بڑھانے کےلیے شہریوں کو تعلیم کی طرف راغب کرنے کا مشن شروع کیا گیا ہے، اس سلسلے میں حکومت کی جانب سے چوتھی، ساتویں، دسویں، گیارویں اور بارویں جماعت کے مساوی پروگرام متعارف کرائے گئے ہیں تاکہ شہریوں کو تعلیم سے آراستہ کیا جاسکے۔