کینیڈا : ایک سو سات برس بعد دنیا کے سب سے بڑے بحری جہاز ‘ٹائی ٹینک ‘ کی نئی تصاویر منظر عام پر آگئیں ، یہ تصاویربارہ ہزارپانچ سو فٹ گہرے سمندرمیں لی گئی ہیں۔
تفصیلات کے مطابق ایک سوسات برس قبل ڈوب جانے والے دنیا کے سب سےبڑے بحری جہاز ٹائی ٹینک کی نئی تصاویر سامنےآگئیں۔
کینیڈا کے جزیرے نیو فاؤنڈلینڈ کے ساحل سے چار سوکلومیٹر دور بحرِاوقیانوس میں غوطہ خور وکٹر ویسکوو نے مشہور بحری ٹائی ٹینک کے ملبے کی نئی تصاویر کھینچی، یہ تصاویربارہ ہزارپانچ سو فٹ گہرے سمندرمیں لی گئی ہیں۔
ویسکوو ٹیکساس میں مقیم نجی سرمایہ کار بھی ہے ، ایک گاڑی کا استعمال کرتے ہوئے پانچ سمندروں کے نیچے نقشہ بنانے کے مشن کی قیادت کر رہا ہے، اس گاڑی کو بنانے میں تین سال لگے۔
یاد رہے کہ سنہ 1912 میں انگلینڈ کے شہر ساؤتھ ہمپٹن سے امریکی شہر نیویارک جانے والے 3 منزلہ عظیم بحری جہاز ٹائی ٹینک کے ایک برفانی تودے سے ٹکرانے کے حادثے میں 15 سو مسافر ہلاک ہوگئے تھے۔
جہاز پر کل ڈھائی ہزار کے قریب افراد سوار تھے جن میں سے زیادہ تر بچوں اور خواتین کو بچا لیا گیا تھا۔ اس حادثے کو بیسویں کا ہولناک ترین حادثہ بھی کہا جاتا ہے۔
ماہرین نے دعویٰ کیا تھا کہ ٹائی ٹینک کے ڈوبنے کی وجہ اس کے برفانی گلیشیئر سے ٹکرانا نہیں تھا، بلکہ جہاز میں ہولناک آتشزدگی پیش آگئی تھی جس کے باعث جہاز ڈوب گیا۔
