site
stats
سندھ

کراچی میں سجے کا ادب میلہ، آرٹس کونسل اردو کانفرنس شروع ہونے کو ہے

International Urdu Conference

کراچی: شہر قائد میں اردو ادب کے ستارے جگمگائیں گے، موضوع بنے کا اردو افسانہ،بات ہوگی شاعری کے سفر پر، اظہار خیال کیا جائے گا ناول پر، زیر بحث آئیں گی اردو کی نئی بستیاں۔

تفصیلات کے مطابق دسویں عالمی اردو کانفرنس 21 تا  25 دسمبر 2017 آرٹس کونسل کراچی میں منعقد ہوگی، جس میں پاک و ہند سمیت دنیا بھر کے معروف دانشور، محقق، شاعر اور ادیب شرکت کریں گے۔

اس کانفرنس کو پاکستان کے 70 ویں جشن آزادی سے منسوب کیا گیا ہے، اس میں گذشتہ 70 برسوں میں ادب، ثقافت، موسیقی، شاعری، مصوری، رقص، ڈراما، زبانیں، صحافت، فلم اور دیگر شعبوں میں کیا کھویا کیا پایا کے موضوعات کا جائزہ لیا جائے گا۔

واضح رہے کہ اس کانفرنس میں ہندوستان سے ڈاکٹر شمیم حنفی، ڈاکٹر قاضی افضال حسین، ڈاکٹر انیس اشفاق، ڈاکٹر علی احمد فاطمی، خوشبیر سنگھ شاد، فرحت احساس، رنجیت سنگھ چوہان، لندن سے رضا علی عابدی، جرمنی سے عارف نقوی، جاپان سے ہیروجی کتاﺅکا، مصر سے ابراہیم محمد ابراہیم، ترکی سے خلیل توقار اور دیگر اسکالرز شرکت کریں گے۔

آرٹس کونسل کے صدر احمد شاہ کا کہنا ہے کہ ایک عشرے تک تسلسل کے ساتھ کسی عالمی کانفرنس کا انعقاد نہ صرف آرٹس کونسل کی انتظامیہ بلکہ کراچی کے شہریوں کے لئے بھی اعزاز کی بات ہے۔

یہ بھی پڑھیں: کراچی، نویں عالمی اردو کانفرنس اختتام پذیر

21 دسمبر کو ہونے والے افتتاحی اجلاس کے موقع پر گزشتہ 9 کانفرنسوں میں شرکت کرنے والے ایسے ادیب اور اسکالرز جو اس دوران انتقال کرگئے ہیں، ان کی زندگی پر دستاویزی فلم پیش کی جائے گی۔

ملک کے علمی و ادبی حلقوں نے اس کانفرنس کو خوش آئند ٹھہرایا ہے اور امید ظاہر کی ہے کہ اس سے زبان و ادب کو فروغ ملے گا۔

پروگرام کی تفصیل

 


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top