دہلی: بھارت میں فوجی ہیلی کاپٹر گرکر تباہ ہونے سے بھارتی چیف آف ڈیفنس اسٹاف بپن راوت شدید زخمی ہوئے اور اب تک 13 افراد کی لاشیں نکالی جاچکی ہیں۔
بھارتی میڈیا کی رپورٹ کے مطابق بھارتی ریاست تامل ناڈو میں پیش آنے والے ہیلی کاپٹر حادثے میں بھارتی چیف آف ڈیفنس اسٹاف بپن راوت کا جسم 80 فیصد جھلس گیا، ان کا مقامی اسپتال میں علاج جاری ہے۔
رپورٹ میں بتایا گیا کہ ہیلی کاپٹرمیں بھارتی چیف آف ڈیفنس اسٹاف بپن راوت سمیت 14 افراد سوار تھے جن میں بپن راوت کی فیملی اور ان کا عملہ شامل ہے۔
The IAF Mi-17V5 helicopter was airborne from Sulur for Wellington. There were 14 persons on board, including the crew: Indian Air Force https://t.co/gmpEuHF1zw
— ANI (@ANI) December 8, 2021
‘بپن راوت میڈیکل کالج میں لیکچر کے لیے جارہے تھے، چیف آف ڈیفنس اسٹاف کی اہلیہ، بریگیڈئیر، لیفٹیننٹ کرنل اور پانچ سیکیورٹی افسر بھی سوار تھے، ہیلی کاپٹر حادثے کے 3 شدید زخمی افراد کو اسپتال منتقل کردیا گیا’۔
میڈیا رپورٹ میں کہا گیا کہ جائے حادثہ سے 11افراد کی لاشیں اسپتال منتقل کردی گئی ہیں، بھارتی وزیراعظم نریندر مودی نے حادثے کی تفصیلات طلب کرلیں۔
ادھر بھارتی فضائیہ نے ہیلی کاپٹر حادثے کی تحقیقات شروع کردیں جبکہ بھارتی وزیر دفاع راج ناتھ سنگھ حادثے سے پارلیمنٹ کوآگاہ کریں گے۔
