The news is by your side.

Advertisement

بھارہ کہو میں پولیس کی کارروائی، 11 سالہ بچی بازیاب، اغواکار گرفتار

اسلام آباد : پولیس نے اغوا کار کے خلاف کارروائی کرتے ہوئے 11 سالہ بچی کو بازیاب کراکے ملزم کو گرفتار کرلیا۔

تفصیلات کے مطابق وفاقی دارالحکومت اسلام آباد کے علاقے بھارہ کہو میں بچی کے اغوا کا واقعہ پیش آیا تھا جس پر پولیس نے ایکشن لیتے ہوئے اغوا کار کو گرفتار کرلیا۔

پولیس کا کہنا ہے کہ ملزمان بچی کی ویڈیو بناکر ورثا کو بلیک میل کررہے تھے، پولیس نے کارروائی کرکے 11 سالہ بچی کو بازیاب کراکے ملزم کو گرفتار کیا تو وہ بچی کا رشتہ دار نکلا۔

پولیس کا کہنا ہے کہ گیارہ سالہ بچی کو 5 اگست کو بھارہ کہو سے اغوا کیا گیا تھا، جس کا مقدمہ درج ہوا تھا۔

کمسن بچیوں کو اغواء کرنے والا افغانی گروہ گرفتار، بچی بازیاب

ڈی آئی جی آپریشنز وقارالدین سید نے لڑکی کے اغوا کا فوری نوٹس لیکر ایس پی سٹی زون کو فوری کارروائی کی ہدایت کی تھی جس پر ایس پی سٹی زون کی سربراہی میں پولیس نے بچی کو ٹریس کرکے بازیاب کرایا۔

Comments

یہ بھی پڑھیں