site
stats
پاکستان

فیصل آباد: گیارہ سالہ گھریلو ملازمہ کو تشدد کے بعد آگ لگا دی گئی

فیصل آباد : رسول نگر میں گیارہ سالہ گھریلو ملازمہ کو تشدد کے بعد آگ لگا دی گئی، مالک مکان کے خلاف مقدمہ درج کرلیا گیا ہے۔

تفصیلات کے مطابق فیصل آباد کے علاقے مدینہ آباد کے رہائشی محنت کش منظور احمد کی گیارہ سالہ بیٹی ساجدہ رسول نگر میں عبدالغفور کے گھر ملازمت کرتی تھی، بارہ مئی کو عبدالغفور نے کمسن ملازمہ ساجدہ پر تشدد کیا اور اسے آگ لگا دی، جس سے وہ زخمی ہو گئی۔

ملزم عبدالغفور زخمی بچی کو پرائیویٹ اسپتال میں خاموشی سے علاج کرواتا رہا ۔ علم ہونے پر بچی کے باپ منظور احمد کی درخواست پر تھانہ صدر پولیس نے ملزم عبدالغفور کے خلاف تشدد اور جلانے کا مقدمہ درج کر لیا ہے۔

متاثرہ بچی کو الائیڈ اسپتال میں منتقل کر کے طبی امداد فراہم کی جا رہی ہے ۔

میڈیا سے گفتگو کرتے ہوئے ساجدہ کے والد منظور احمد کا کہنا تھا کہ ملزم عبدالغفور نے ساجدہ کو زیادتی کا بھی نشانہ بنایا اور دھمکی دی کہ اگر والدین کو بتایا تو اسے قتل کر دے گا، تھانہ صدر پولیس نے ملزم کو دو بار گرفتار کر کے رشوت لے کر چھوڑ دیا ۔


مزید پڑھیں : لاہور میں مالکن کے مبینہ تشددسےگھریلوملازمہ جاں بحق


متاثرہ بچی کے باپ نے وزیراعلیٰ پنجاب سے اپیل کی ہے کہ ملزم کو سزا دلا کر انہیں انصاف فراہم کیا جائے ۔

یاد رہے چند روز قبل لاہور میں مالکن کے مبینہ تشدد سے گھریلو ملازمہ جان کی بازی ہار گئی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top