انقرہ: ترکی میں ایرانی سرحد کے قریب تارکین وطن کی گاڑی کو حادثہ پیش آیا ہے، حادثے میں کئی قیمتی جانیں ضائع ہوگئیں ہیں۔
غیر ملکی میڈیا رپورٹ کے مطابق آج صبح مشرقی ترکی میں تارکین وطن کو لیجانے والی بس حادثے کا شکار ہوئی، جس کے نتیجے میں کم از کم بارہ افراد ہلاک جبکہ چھبیس زخمی ہوگئے ہیں۔
مقامی ذرائع کا کہنا ہے کہ حادثہ ایران سے ملحقہ ترک ضلع مرادی میں پیش آیا، جہاں بس تیز رفتاری کے باعث کھائی میں گری ، کھائی میں گرتے ہی اس میں آگ لگ گئی، جس کے باعث مسافر جھلس کر جاں بحق ہوئے، فوری طور پر جاں بحق تارکین وطن کی شناخت نہیں ہوسکی ہے، خیال کیا جارہا ہے کہ بس میں زیادہ تر پاکستان،،افغانستان اور بنگلادیش کے شہری شامل تھے۔
واضح رہے کہ ترکی کا علاقہ مرادی آبادی تارکین وطن کے لئے اہم راہداری تصور کیا جاتا ہے،ا س راہداری کے زریعے یورپ جایا جاتا ہے، راہداری استعمال کرنے والوں میں زیادہ تعداد ایران، پاکستان اور افغانستان کے شہریوں کی ہے جو کہ باقاعدگی سے ایران کی سرحد عبور کرتے ہوئے ترکی میں داخل ہوتے ہیں۔
