The news is by your side.

Advertisement

‘پاکستان میں محصور 114 بھارتی شہری 9 جولائی کو واہگہ بارڈر کے راستے واپس جائیں گے’

اسلام آباد : وزارت داخلہ کا کہنا ہے کہ پاکستان میں محصور 114 بھارتی شہری 9 جولائی کو وطن واپس جائیں گے، بھارتی شہریوں کی واہگہ سرحد سے پیدل واپسی کےانتظامات کیے جائیں۔

تفصیلات کے مطابق کورونا کے باعث پاکستان میں محصورہندوستانی شہریوں کی وطن واپسی کے معاملے پر وزارت داخلہ نے ڈی جی پاکستان رینجرز اور پنجاب کو خط لکھا ، جس میں کہا کہ پاکستان میں محصور 114 بھارتی شہری 9 جولائی کو وطن واپس جائیں گے، بھارتی شہریوں کی واہگہ سرحد سے پیدل واپسی کےانتظامات کیے جائیں اور شہریوں کی واپسی کے دوران صحت ضابطہ کارپرہرصورت عمل کیا جائے۔

یاد رہے 25 جون کو پاکستان کی جانب سے لاک ڈاون کی پابندیوں کے باعث پھنسے ساڑھے 700 بھارتی شہریوں کے لئے خصوصی طور پر پاک بھارت واہگہ بارڈر کھول دیا گیا تھا اور کہا گیا تھا کہ بھارتی شہری تین گروپس میں واہگہ بارڈر سے واپس بھارت روانہ ہوں گے، پہلے اور دوسرے گروپ میں ڈھائی ڈھائی سو افراد ہوں گے جبکہ تیسرا گروپ 248 افراد پر مشتمل ہوگا۔

مزید پڑھیں : بھارتی شہریوں کی واپسی ، پاک بھارت کشیدگی کے باوجود پاکستان کا بڑا اقدام

حکومت پاکستان نے انسانی ہمدردی کی بنیادوں پر بھارتی شہریوں کو واپس بھارت جانے کی اجازت دی ، بھارتی شہری پاکستان کے مختلف شہروں میں مقیم تھے، جن میں سے 12 اسلام آباد میں، لاہور میں 80، آزاد کشمیر اور ننکانہ صاحب میں 15 ،15 شہری جبکہ صوبہ سندھ کے مختلف شہروں میں 300 بھارتی شہری رہائش پذیر تھے۔

بھارتی شہریوں نے کئی بار اپنی حکومت سے واپس آنے کی اجازت مانگی مگر اجازت نہ دی گئی، بھارتی ہائی کمیشن نے اپنے شہریوں سے بیان حلفی لینے کے بعد واپسی کی اجازت دی ہے ۔

ذرائع کا کہنا تھا کہ مقبوضہ جموں وکشمیرسے تعلق رکھنے والے 402 شہری بھی واپس جائیں گے ، آج واپس جانیوالے پہلے گروپ میں کشمیری طلبااورشہری شامل ہیں۔

Comments

یہ بھی پڑھیں