موٹرسائیکل سوار شہری نے خود سمیت 12 بچوں کی زندگیاں خطرے میں ڈال دیں، احمق نوجوان ناصرف سڑک پر بائیک دوڑاتا رہا بلکہ فخریہ انداز میں اپنی ویڈیو بھی بنوائی۔
بارہ بچوں کی ایک بائیک پر سواری کی ویڈیو سوشل میڈیا پر وائر ہوگئی جس پر صارفین بھی شدید برہم ہوئے اور موٹرسائیکل چلانے والے شہری جو شدید تنقید کا نشانہ بنایا۔ خدا نخواستہ بائیک بے قابو ہونے یا توازن بگڑنے سے بڑا حادثہ پیش آسکتا تھا۔ خوش قسمتی سے تمام بچے محفوظ رہے۔
مناظر میں دیکھا جاسکتا ہے کہ بے وقوف شہری کئی بچوں کی جان اپنی ہتھیلی پر لیے موج مستیاں کررہا ہے۔ صارفین کا کہنا ہے کہ مذکورہ شخص کے خلاف کارروائی ہونی چاہیے، متعلقہ ادارے اسے گرفتار کریں۔
لوگوں کا کہنا ہے کہ شہری نے ناصرف اپنی بلکہ بچوں اور سڑک پر موجود دیگر لوگوں کی زندگیاں بھی خطرے میں ڈالیں۔ اس ضمن میں عوام سے رائے لی گئی کہ ایک موٹر سائیکل پر کتنے افراد کی سواری ہونی چاہیئے تو ان کا کہنا تھا کہ اول کو ایک ہی فرد مناسب رہتا ہے تاہم دو سے زیادہ ایک بائیک پر بٹھانا درست نہیں ہے۔
