The news is by your side.

Advertisement

ہیروئن اسمگل کیس میں پی آئی اے کے 12 ملازمین کو حراست میں لے لیا گیا

لاہور : پاکستان انٹرنیشنل ایئر لائن کی فلائیٹ پی کے 203 کے واش روم سے ملنے والی 6 کلو ہیروئن پکڑنے جانے پر سیکیورٹی فورس نے 12 ملازمین کو حراست میں لے لیا ہے۔

تفصیلات کے مطابق کل علی الصبح انسداد منشیات دستے نے کارروائی کرتے ہوئے سیالکوٹ کے رہائشی عاطف فیروز نامی شخص کو پرواز پی کے 203 سے گرفتار کیا تھا اور جہاز کے واش روم سے 6 کلو ہیروئن برآمد کر لی تھی،برآمد ہونے والی ہیروئن کی عالمی مارکیٹ میں مالیت 6 کروڑ روپے سے زائد بتائی جا رہی ہے۔

اسی سے متعلق : پی آئی اے کے جہاز سے چھ کلو ہیروئن برآمد، ملزم گرفتار

تحقیقاتی اداروں نے سول ایوی ایشن اتھارٹی، پی آئی اے اور اے ایس ایف کی اُس وقت کی پوری شفٹ کو شامل تفتیش کرلیا ہے جس کے بعد متعلقہ شفٹ کے اسٹاف 12 ملازمین کو حراست میں لے لیا حراست میں لیے جانے والے ملازمین میں انجینیئرز اور صفائی کا عملہ شامل ہے ملزمان پر ہیروئن اسمگل کرنے میں معاونت کا الزام ہے،زیر حراست ملازمین کو پرانے ایئر پورٹ پر رکھا گیا ہے۔

 

Print Friendly, PDF & Email

Comments

comments

یہ بھی پڑھیں