The news is by your side.

Advertisement

آزاد کشمیر میں بارش وبرفباری نے تباہی مچادی، 12 افراد جاں بحق

مظفرآباد: آزادکشمیر میں بارش و برفباری نے تباہی مچا دی، مختلف علاقوں میں 12 افراد زندگی کی بازی ہار گئے۔

تفصیلات کے مطابق وزیراعظم آزاد کشمیر راجہ فاروق حیدر کو بارش و برفباری سے جانی و مالی نقصانات کی رپورٹ ارسال کردی گئی، بارش و برفباری سے نقصانات کی رپورٹ ڈیزاسٹر مینجمنٹ اتھارٹی نے تیار کی۔

رپورٹ میں بتایا گیا ہے کہ آزادکشمیر میں بارش و برفباری سے 12 افراد جاں بحق اور 12 زخمی ہوئے، جبکہ برفباری سے 16مکانات مکمل اور 14 جزوی متاثر ہوئے۔ دریں اثنا 4 دکانوں کو نقصان پہنچا، ایک مسجد شہید اور 3 گاڑیاں مکمل طور پر تباہ ہوگئیں۔ وادی نیلم میں بارش و برفباری سے 5 مرد اور 5خواتین جاں بحق ہوئیں۔

وادی نیلم میں بارش و برفباری سے 6 مرد اور 6 خواتین زخمی بھی ہوئیں۔ 14 مکانات مکمل، 6جزوی تباہ اور 4 دکانیں متاثر ہوئیں۔ جبکہ راولا کوٹ میں ایک خاتون جاں بحق اور ایک مکان تباہ ہوا۔

آزاد کشمیر کے علاقے سدھنوتی میں ایک شخص جاں بحق، ایک مکان مکمل اور دو جزوی تباہ ہوئے۔ مظفر آباد کے علاقے اپرطارق آباد میں لینڈسلائیڈنگ سے 6مکانات کو نقصان پہنچا۔

fb-share-icon0
Tweet 20

Comments

comments

یہ بھی پڑھیں