اسلام آباد : وفاقی حکومت نے 12 ربیع الاول کے موقع پر سیرت النبیﷺ کانفرنس منعقد کرانے کا اعلان کردیا ، وزیراعظم عمران خان سیرت النبیﷺ کانفرنس سے خطاب کریں گے۔
تفصیلات کے مطابق سینیٹر فیصل جاوید نے سماجی رابطے کی ویب سائٹ ٹوئٹر پر اپنے پیغام میں کہا کہ انشااللہ12ربیع الاول کوسیرت النبیﷺ کانفرنس منعقدکی جائے گی، وزیراعظم عمران خان سیرت النبیﷺکانفرنس سےخطاب کریں گے۔
فیصل جاوید کا کہنا تھا کہ اس سال رحمت اللعالمین ﷺ کانفرنس کا موضوع: سیرت النبی ﷺ کی روشنی میں ماحولیاتی آلودگی پر قابو پانا اور اللہ تعالی کےعطا کردہ قدرتی وسائل کی قدر کرنا ہے۔
انشاءاللہ 12ربیع الاول کو
سیرت النبیﷺ کانفرنس منعقدکی جائے گی-وزیراعظم اسلامی جمہوریہ پاکستان عمران خان اس کانفرنس سےخطاب کریں گے-اس سال رحمت اللعالمین ﷺ کانفرنس کا موضوع:سیرت النبی ﷺ کی روشنی میں ماحولیاتی آلودگی پر قابو پاناہے-اللہ تعالی کےعطا کردہ قدرتی وسائل کی قدر کرنا ہے https://t.co/jvfDLbxseR— Faisal Javed Khan (@FaisalJavedKhan) October 23, 2020
یاد رہے سال 2018 میں وزیر اعظم عمران خان کی خصوصی ہدایت پر رحمتُ الّلعالمین ﷺ کی آمد کے مہینے کی مناسبت سے پہلی بار دو روزہ عالمی سیرت کانفرنس کا انعقاد کیا گیا تھا جس میں دنیا بھر سے مذہبی اسکالرز اور غیر ملکی وفود نے شرکت کی تھی۔