تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

امارت اسلامیہ افغانستان کے لیے امدادی پیکج کا اعلان

برسلز: یورپی یونین نے امارات اسلامیہ افغانستان کے لیے ایک ارب یورو کے امدادی پیکج کا اعلان کردیا ہے۔

غیر ملکی خبر رساں ایجنسی کے مطابق افغانستان میں سیکیورٹی اور انسانی صورتحال پر جی ٹوئنٹی ممالک کا ورچوئل اجلاس منعقد ہوا جس کی میزبانی اٹلی نے کی۔

اجلاس کے شرکا سے خطاب کرتے ہوئے یورپی کمیشن کی سربراہ ارسلا کا کہنا تھا کہ افغانستان میں کسی بڑے انسانی، سماجی و معاشی بحران کا سامنا کرنے کے لیے امدادی پیکج کا اعلان کیا گیا ہے۔

یورپی یونین کی جانب سے فوری امدادی ضروریات کو پورا کرنے کی غرض سے 300 ملین یورو کی رقم کا اعلان کیا گیا تھا جس میں 250 ملین یورو کا مزید اضافہ کردیا گیا ہے، یہ اضافی رقم جی ٹوئنٹی ممالک کے سربراہی اجلاس میں کئے وعدے کے باعث کیا گیا۔

واضح رہے کہ یورپی یونین کی سربراہ ارسلا وون ڈی لیین نے جی ٹوئنٹی ممالک کے سربراہی اجلاس میں ایک ارب یورو کی امدادی رقم کا وعدہ کیا تھا۔

یورپی کمیشن کی سربراہ ارسلا نے واضح کیا کہ باقی کی امدادی رقم افغانستان کے ہمسایہ ممالک کو دی جائے گی جو طالبان کے برسر اقتدار آنے کے بعد افغانستان سے جانے والے شہریوں کو پناہ دے رہے ہیں تاہم افغانستان میں بھی یہ رقم طالبان کی عبوری حکومت کو نہیں دی جائے گی کیونکہ اسے اب تک یورپی یونین کی جانب سے قبول نہیں کیا گیا ہے۔

یورپی یونین کی جانب سے اعلان کردہ امدادی رقم افغانستان میں کام کرنے والے بین الاقوامی اداروں کے ذریعے فراہم کی جائے گی۔

دوسری جانب افغانستان کے قائم مقام وزیر خارجہ امیر خان متقی نے عالمی برادری کا شکریہ ادا کیا اور رقم کو شفاف طریقے سے تقسیم کرنے کی یقین دہانی کرائی ہے۔

Comments

- Advertisement -