کورونا متاثرین سے بھرا طیارہ بھارت پہنچ گیا

کورونا زدہ مسافروں سے بھرا طیارہ بھارت میں لینڈ کر گیا۔

بین الاقوامی میڈیا رپورٹس کے مطابق اٹلی سے چارٹرڈ طیارہ 179 مسافروں کو لے کر بھارتی صوبے پنجاب کے شہر ‏امرتسر پہنچا تو سوار افراد کی اکثریت کورونا سے متاثر نکلی۔

حکام کے مطابق پرواز تبلیسی (جارجیا) میں تکنیکی طور پر رکی تھی اور مبینہ طور پر اسے پرتگالی کمپنی یورو ‏اٹلانٹک ایئرویز چلاتی ہے۔

بھارتی میڈیا کا کہنا ہے کہ 1.30 بجے کے قریب امرتسر پہنچنے والی چارٹرڈ فلائٹ میں 179 مسافر سوار تھے جن ‏میں 19 بچے بھی تھے۔ ‏

ایئرپورٹ پر جب مسافروں کے کورونا ٹیسٹ کیے گئے تو 125 افراد وبا سے متاثر نکلے جنہیں قرنطینہ کر لیے ‏بھیج دیا گیا ہے۔

وزارت صحت کا کہنا ہے کہ تمام بالغ افراد کے کورونا ٹیسٹ کیے گئے تھے کیونکہ اٹلی کورونا کی نئی ویرینٹ ‏اومیکروں سے زیادہ متاثرہ ممالک میں شامل ہے۔

Comments