The news is by your side.

Advertisement

مقبوضہ کشمیر میں بھارتی محاصرے کے 13 ماہ، 237 کشمیری شہید

سری نگر: مقبوضہ کشمیر میں قابض بھارتی حکومت کے 13 ماہ کے محاصرے کے دوران 237 کشمیریوں کو شہید کیا گیا۔

تفصیلات کے مطابق مقبوضہ کشمیر میں بھارتی غیر قانونی اقدام کو 13 ماہ ہوگئے، قابض بھارتی فوج نے وادی کو جیل میں تبدیل کر رکھا ہے،13 ماہ کے دوران قابض بھارتی فوج کی جارحیت سے237 کشمیری شہید ہوئے۔

قابض بھارتی حکومت کے 13 ماہ کے محاصرے کے دوران 1482سے زیادہ کشمیریوں زخمی ہوئے۔ بھارتی فوج نے خواتین سمیت 13 ہزار سے زیادہ کشمیریوں کو گرفتار کیا۔

یاسین ملک، شبیر احمد شاہ اور آسیہ اندرابی سمیت سینکڑوں رہنما اب بھی جیلوں میں بند ہیں جبکہ حریت رہنما سید علی گیلانی اور میر واعظ عمر فاروق کی گھروں میں مسلسل نظر بندی جاری ہے۔

بھارتی قابض فوج نے وادی میں 900 سے زیادہ کشمیریوں کے مکانات کو نقصان پہنچایا۔ بھارتی فورسز نے 89 خواتین کو زیادتی کا نشانہ بنایا۔ قابض بھارتی انتظامیہ وادی میں مسلمانوں کی زمینوں پرقبضہ کر رہی ہے۔

یاد رہے کہ گزشتہ سال 5 اگست 2019 کومودی سرکار نےغیر قانونی اقدام سے وادی کی خصوصی حیثیت ختم کی تھی۔

Comments

یہ بھی پڑھیں