جدہ: سعدی فرمانروا شاہ سلمان کی خصوصی دعوت پر انڈونیشیا کے معمر شہری حج کی ادائیگی کے لیے سعودی عرب پہنچ گئے۔
تفصٰلات کے مطابق انڈونیشیا سے تعلق رکھنے والے 130 سالہ حاجی اوحی ایڈاروس سامری رواں برس شاہی پروٹوکول میں حج کے ارکان ادا کریں گے کیونکہ انہیں شاہ سلمان نے خصوصی دعوت دے کر مدعو کیا۔
عرب میڈیا رپورٹس کے مطابق شاہ سلمان نے سامری سمیت اُن کی فیملی کے 6 افراد کو بھی شاہی مہمان کے طور پر مدعو کیا، گزشتہ روز شاہی مہمان جکارتہ سے جدہ پہنچے۔
جدہ کے کنگ عبدالعزیز ائیرپورٹ پر انڈونیشیا میں تعینات سفیر ایصام ال تہقافی نے استقبال کیا اور شاہی مہمان کو پروٹوکول میں لے کر حرم روانہ ہوئے جہاں انہوں نے عمرے کی سعادت حاصل کی۔
عرب میڈیا رپورٹ کے مطابق سعودی فرمانروا نے ہر سال کی طرح امسال بھی ہزاروں مسلمانوں کو حج اور عمرہ کی خصوصی دعوت بھیجی ہے۔ وزارت مذہبی امور تمام مہمانوں کے طعام ، قیام و دیگر چیزوں کی دیکھ بھال کرتی ہے۔
