The news is by your side.

Advertisement

لاکھوں روپے کی ہونے کے باوجود بارش سے نہ پچانے والی چھتری

عموماً تو چھتری کا کام ہی بارش سے بچانا ہوتا ہے لیکن چین میں ایک نئی چھتری متعارف کروائی جارہی ہے، جو لاکھوں روپے کی ہونے کے باوجود بھی بارش سے محفوظ نہیں رکھے گی، یہ چھتری چینی سوشل میڈیا پلیٹ فارم پر تنقید کا نشانہ بن گئی ہے۔

غیر ملکی میڈیا کے مطابق مروف برینڈ گوچی اور ایڈی ڈاس کی جانب سے چین میں آئندہ ماہ ایک نئی چھتری متعارف کروائی جائے گی جس کی فی الحال آن لائن تشہیر جاری ہے، اس چھتری کی قیمت 11100 یوان ہے جو کہ پاکستانی روپے میں 3 لاکھ سے زائد بنتے ہیں۔

برانڈ کی جانب سے بھی کہا گیا ہے کہ ’ یہ چھتری واٹر پروف نہیں ہے بلکہ اسے صرف سورج سے بچاؤ اور سجاوٹ کے لیے استعمال کیا جا سکتا ہے۔‘

چینی سوشل میڈیا صارفین کی جانب سے چھتری پر خوب تنقید کی جارہی ہے۔ ایک صارف نے ٹویٹ کرتے ہوئے لکھا کہ تصور کریں "ایک اسٹیٹس سمبل کے طور پر آپ 1,600 ڈالر کی چھتری خریدیں، اور پتا چلے کہ یہ بارش میں بھیگنے سے نہیں بچاسکتی، اور پھر آپ کو معلوم ہو کہ یہ تو اس مقصد کیلئے بنی ہی نہیں تھی۔”

Comments

یہ بھی پڑھیں