The news is by your side.

Advertisement

امریکا اور کینیڈا میں شیر خوار بچوں کے پاؤڈر دودھ کی قلت کیوں ہوئی؟

امریکا اور کینیڈا میں بچوں کے پاؤڈر دودھ کی قیمتوں میں ممکنہ اضافے کے پیش نظر منافع خور سرگرم ہوگئے اور پاؤڈر دودھ کی مصنوعی قلت پیدا کردی گئی ہے۔

امریکا کے معروف اخبار یو ایس ٹوڈے کے مطابق قیمتوں میں اضافے کے پیش نظر کچھ فارمیسی اور سپر مارکیٹوں کو اسٹور اور آن لائن تین ڈبوں سے زائد فروخت کرنے پر اجتناب کررہے ہیں، بڑھتی طلب اور سپلائی میں کمی کے باعث ملک بھر میں بچوں کے دودھ پاؤڈر کی دستیابی میں خلل پیدا ہورہا ہے۔

سی این این کی رپورٹ کے مطابق امریکا میں خشک دودھ کی تلاش کرنا ایک چیلنج بن گیا ہے جبکہ والگینز بوٹس الائنس کے ترجمان اسٹیو کوہن کا کہنا ہے کہ موجودہ صورت حال والدین کے لئے نہایت پریشان کن ہے۔607 Baby Formula Powder Stock Photos, Pictures & Royalty-Free Images -  iStockدوسری جانب امریکا میں بچوں کے خشک دودھ والے پاؤڈر کی قلت کا اثر کینیڈا میں بھی دیکھا گیا ہے جو اب ماں کے دودھ کے نعم البدل کے حصول کی جدوجہد کررہے ہیں۔

حالیہ بحران کی وجہ؟

امریکا اور کینیڈا میں حالیہ بحران کی وجہ چین سپلائی کے مسائل معروف کمپنی ایبٹ نیوٹریشن کی جانب سے ایک بڑے پروڈکٹ کی واپسی کے باعث پیدا ہوا، کمپنی نے بیکٹریل انفیکشن اور بیماری کی اطلاعات کے بعد رضاکارانہ طور پر بے بی فارمولے پر مشتمل اپنے تین برانڈز کو مارکیٹ سے اٹھالیا تھا۔

ڈسٹری بیوشن کی صورت حال

آن لائن ریٹیل تجزیہ کار ڈیٹاسمبلی کی رپورٹس کے مطابق امریکا میں تقریباَ چالیس فیصد شیرخوار دودھ کا اسٹاک کم وبیش گیارہ ہزار سے زائد اسٹور پر دستیاب نہیں جس کے باعث مانگ میں اضافہ ہوا، جبکہ کچھ عناصر ذخیرہ اندوزی میں بھی مصروف ہیں جن کے خلاف اقدامات کئے جارہے ہیں۔

ریٹیل کونسل آف کینیڈا کا موقف ہے کہ انہیں امریکا کے مقابلے میں شیر خوار کے خشک دودھ کی خطرناک صورت حال کا سامنا نہیں ہے کیونکہ کچھ اسٹوررز سال دوہزار اکیس سے دودھ کی فراہمی کو یقینی بنارہے ہیں۔

Comments

یہ بھی پڑھیں