صوبائی دارالحکومت لاہور میں سرکاری اسکولوں میں مفت کاپیاں اور کتابوں کی تقسیم پر پیسے لینے کا انکشاف ہوا ہے، اے آر وائی نیوز نے ویڈیو حاصل کرلی ہے۔
ذرائع کے مطابق گورنمنٹ مسلم ہائی اسکول نمبر دو سول لائنز میں قائم ویئر ہاؤس کی ویڈیو اے آر وائی نیوز نے حاصل کرلی ہے،ویڈیو میں دیکھا واضح دیکھا جاسکتا ہے کہ استاد حکومت پنجاب کی جانب سے دی گئی مفت کتابوں پر رشوت لے رہا ہے۔
ذرائع کا کہنا ہے کہ کتابوں کی تقسیم کیلئےقائم ویئرہاؤس نمبر پانچ پر پرائمری اسکول سےایک ہزار روپےلیےگئے جبکہ مڈل اسکول سےپندرہ سو اورہائی اسکول سےدو ہزار روپے وصول کیےگئے۔
اے آر وائی نیوز پر خبر نشر ہونے کے بعد سی ای او ایجوکیشن پرویز اختر نے کہا کہ معاملےکی تحقیقات کررہےہیں ملوث افراد کے خلاف سخت کارروائی ہوگی انہوں نے بتایا کہ وصول رقم فوری اسکول سربراہان کوواپس کروائی جائےگی۔
واضح رہے ایجوکیشن ریفارمز کے تحت ملک بھر میں تمام سرکاری اسکولوں میں انٹر میڈیٹ تک تمام کتابیں مفت فراہم کی جاتی ہیں۔
