The news is by your side.

Advertisement

شمالی کوریا میں سیلاب،133افراد ہلاک

سیول: شمالی کوریا کے جنوب مشرقی سرحدی علاقےمیں سیلاب سے 133 سے افراد ہلاک جبکہ سینکڑوں افراد لاپتہ ہیں۔

تفصیلات کے مطابق شمالی کوریا کے جنوب مشرقی سرحدی علاقے میں سیلاب نے شدید تباہی مچادی جس کے نتیجے میں133 افراد ہلاک جبکہ ہزاروں افراد اپناگھر چھوڑ کر محفوظ مقامات کی طرف منتقل ہوچکے ہیں۔

سیلاب کے نتیجے میں 35 ہزار کے قریب گھروں کو نقصان پہنچا ہے جس میں سے بیشتر مکمل طور پر تباہ ہوگئے ہیں، 8 ہزار سے زائد عمارتیں شدید متاثر ہوئی ہیں جبکہ علاقے میں روڈ، مواصلات اور دیگر نظام زندگی مکمل طور مفلوج ہوگیا ہے۔

اقوام متحدہ کا کہنا ہے کہ سیلاب کے باعث اب تک 130 سے زائد افراد ہلاک جبکہ 4 سو کے قریب لاپتہ ہیں،تقریباً ڈیرھ لاکھ کے قریب افراد کو فوری طور پر امداد کی ضرورت ہے۔

مزید پڑھیں: شمالی کوریا کا پانچواں جوہری میزائل کا کامیاب تجربہ

یاد رہے کہ گزشتہ ہفتے شمالی کوریا نے تمام تر عالمی دباؤ مسترد کرتے ہوئے پانچواں ایٹمی تجربہ کیا تھاجس کے بعد زلزلے کے جھٹکےمحسوس کیے گئے تھے۔

واضح رہے کہ شمالی کوریا کو قدرتی آفات کا سامنا رہتا ہے جبکہ اس سےقبل بھی 2012 میں سیلاب کے باعث ڈیرھ سو افراد ہلاک ہوگئے تھے۔

Print Friendly, PDF & Email

Comments

comments

یہ بھی پڑھیں