سان فرانسسکو: امریکی شہر سان فرانسسکو میں قائم 139 سالہ قدیم گھر کو جدید طریقے سے گھسیٹ کر منتقل کرنے کا کامیاب تجربہ کیا گیا۔
امریکی شہر سان فرانسسکو میں ایک سو انتالیس سال قدیم ’’وکٹوریہ ہاؤس‘‘ کو نئے پتے (ایڈریس) پر منتقل کردیا گیا،ملکہ برطانیہ کے دور میں تعمیر ہونے والے اس گھر کو دیوہیکل ٹرالوں پر لاد کر چھ بلاکس کی دوری پرموجود مقام تک پہنچایا گیا۔
رپورٹ کے مطابق دو منزلہ گھرمنتقل کرنے کے لیے مالک مکان کو چار لاکھ ڈالرز کے اخراجات برداشت کرنا پڑے۔گھر کی منتقلی کے دوران راستے میں آنے والی اسٹریٹ لائٹس، پارکنگ میٹرزاورکئی یوٹیلٹی لائنز کو بھی ہٹایا گیا۔
پانچ ہزار اسکوائر فٹ سے زائد رقبے پر تعمیر شدہ ’وکٹورین ہاؤس‘ یعنی سابقہ ملکہ برطانیہ کے دور میں تعمیر ہونے والے اس گھر کی انفرادیت اس کی بڑی بڑی کھڑکیاں اور ایک بھورے رنگ کا مرکزی دروازہ ہے۔
اس عمل کو دیکھنے کے لیے لوگوں کی بڑی تعداد بھی آس پاس کی سڑکوں پر موجود رہی۔
