The news is by your side.

Advertisement

کراچی: سمندر میں نہانے پر تین روز کی پابندی عائد

کراچی: محکمہ داخلہ سندھ نے شہر قائد میں دفعہ 144 نافذ کرتے ہوئے سمندر میں نہانے پر تین روزکی پابندی عائد کردی، منچلوں کو روکنے کے لیے پولیس و رینجرز کی اضافی نفری بھی تعینات کی جائے گی۔

محکمہ داخلہ سندھ کے جاری کردہ نوٹی فکیشن کے مطابق پابندی 14اگست کے جشن آزادی پر منچلوں کی جانب سے شور شرابہ و اخلاق سے گری ہوئی حرکات کو روکنے کے لیے لگائی گئی ہے۔

نوٹی فکیشن کے مطابق پابندی 13 تا 15 اگست تک تین دن کے لیے لگائی گئی ہے جس میں سمندر میں نہانے، بائیک کی ون ویلنگ اور سائیلنسر نکال کر بائیک چلانا شامل ہیں۔تمام پابندیوں کی خلاف وزری کی صورت میں پولیس ملزموں کو فوری گرفتار کرکے مقدمہ درج کرنے کا حق محفوظ رکھتی ہے۔

13912522_10208921299382203_2293211630785646615_n

اطلاعات کے مطابق یہ پابندی گزشتہ کئی برس سے ہرسال ہیپی نیو اییئر 31دسمبر، 13اگست جشن آزادی اور 25دسمبر کو کرسمس و قائد اعظم کی برسی کے موقع پر عائد کی جاتی ہے کیوں کہ منچلے نوجوانوں کی ٹولیوں کی ٹولیاں ساحل سمندر کا رخ کرتی ہیں.

نوجوان بائیکس کا سائیلنسر نکال کر رات بھر بائیک چلاتے ہیں جس سے ڈیفنس، کلفٹن اور سی ویو کے مکینوں کے آرام میں رات بھر خلل واقع ہوتا ہے، نوجوان جگہ جگہ ٹریفک بلاک کرکے رقص کرنا شروع کردیتے ہیں جس سے ٹریفک کی روانی بھی متاثر ہوتی ہے۔

Print Friendly, PDF & Email

Comments

comments

یہ بھی پڑھیں