کوئٹہ : صوبہ بلوچستان میں کے علاقے دشت میں بس اور وین کے درمیان تصادم کے نتیجے میں 14 افراد جاں بحق جبکہ 27 زخمی ہوگئے۔
تفصیلات کے مطابق بلوچستان کے علاقے دشت میں سبی شاہراہ پر بس اور وین ٹکرا گئیں، حادثے میں 11 افراد جان کی بازی ہار گئے جبکہ 27 زخمی ہوگئے ہیں۔
حادثے کی اطلاع ملتے ہی ریسکیو ٹیمیں جائے وقوعہ پر پہنچیں اور زخمیوں اور لاشوں کو اسپتال منتقل کیا۔
ترجمان سول اسپتال کے مطابق 11 افراد کی لاشیں اور 27 زخمیوں کو اسپتال منتقل کردیا گیا ہے جہاں حادثے میں زخمی ہونے والے افراد کو طبی امداد دی جا رہی ہے۔
وزیراعظم شاہد خاقان عباسی
وزیراعظم شاہد خاقان عباسی نے دشت حادثے میں جانی نقصان پر غمزدہ خاندانوں سے تعزیت کی اور حادثے میں زخمی افراد کی جلد صحت یابی کے لیے دعا کی۔
بلاول بھٹو زرداری
پاکستان پیپلزپارٹی کے چیئرمین بلاول بھٹو زرداری نے دشت ٹریفک حادثے میں اموات ہر افسوس کا اظہار کیا اور کہا کہ زخمیوں کے علاج معالجے کا بندوبست کیا جائے۔
پتوکی میں بس اور وین میں تصادم، خاتون سمیت 5 افراد جاں بحق
خیال رہے کہ رواں سال 6 اپریل کو صوبہ پنجاب کے شہر پتوکی میں تیز رفتار بس اور وین کی ریس نے 5 افراد کی جان لے لی تھی۔
یاد رہےکہ 23 جون کو صوبہ پنجاب کے شہرشیخوپورہ انٹرچینج کے قریب کار ٹرالر سے ٹکراگئی تھی، جس کے نتیجے میں پانچ افراد جاں بحق اورایک شدید زخمی ہوگیا تھا۔
ڈی آئی خان، مسافر بس اور ٹرک کے درمیان تصادم 6 مسافر جاں بحق
واضح رہے کہ رواں برس 8 فروری کو پشاور میں مسافر بس اور ٹرک کے درمیان تصادم کے نتیجے میں 6 مسافر جاں بحق اور 7 افراد زخمی ہو گئے تھے۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
