نئی دہلی: بھارت میں اجمیر شریف جانے والی زائرین کی مسافر بس اور ٹرک میں خوفناک تصادم ہوا جس کے نتیجے میں 14 افراد جاں بحق ہوگئے۔
غیرملکی خبررساں ادارے کی رپورٹ کے مطابق بھارتی ریاست آںدھرا پردیش میں زائرین کو اجمیر شریف لے جانے والی مسافر بس ہائی وے پر تیز رفتار ٹرک سے ٹکرا گئی۔
بھارتی میڈیا کے مطابق مسافر بس میں 18 مسافر سوار تھے، حادثے کے نتیجے میں 14 افراد جاں بحق اور 4 زخمی ہوگئے۔
حادثے میں جاں بحق اور زخمیوں کو اسپتال منتقل کردیا گیا جہاں دو زخمیوں خی حالت نازک بتائی جارہی ہے، حادثے میں زخمی ہونے والے افراد کی عمریں 12 سال سے کم ہیں۔
The road accident in Andhra Pradesh’s Kurnool district is saddening. In this hour of sadness, my thoughts are with those who lost their loved ones. I hope that the injured recover at the earliest: PM @narendramodi
— PMO India (@PMOIndia) February 14, 2021
پولیس کے مطابق منی بس کے بچ جانے والے مسافروں نے بتایا ہے کہ حادثہ ڈرائیور کی آنکھ لگ جانے کی وجہ سے پیش آیا۔
پولیس کا کہنا ہے کہ لاشیں ضروری کارروائی کے بعد ورثا کے حوالے کردی گئی ہیں جبکہ ٹرک ڈرائیور کو تفتیش کے لیے حراست میں لے لیا گیا ہے۔
بھارتی وزیراعظم نریندر مودی نے حادثے پر افسوس کا اظہار کرتے ہوئے کہا کہ میری ہمدردیاں ان لوگوں کے ساتھ ہیں جنہوں ںے اپنے پیاروں کو کھو دیا ہے، امید ہے کہ زخمی جلد صحت یاب ہوں گے۔