The news is by your side.

Advertisement

ریاض میں 14 میگا منصوبوں کی تکمیل

ریاض: سعودی دارالحکومت ریاض میں 14 آبی و ماحولیاتی منصوبے مکمل کر لیے گئے ہیں، منصوبوں سے شہریوں کو فراہم کی جانے والی خدمات کا دائرہ وسیع ہوگا۔

سعودی ویب سائٹ کے مطابق سعودی عرب میں نیشنل واٹر کمپنی نے اعلان کیا ہے کہ دارالحکومت ریاض میں 14 آبی و ماحولیاتی منصوبے مکمل کر لیے گئے ہیں جن پر 200 ملین ریال سے زیادہ کی لاگت آئی ہے۔ ان منصوبوں کا افتتاح آئندہ ماہ کے شروع میں کردیا جائے گا۔

نئے منصوبوں سے 43 ہزار سے زائد افراد کو فائدہ ہوگا، کمپنی نے یہ آبی اور ماحولیاتی منصوبے سعودی وژن 2030 کے تناظر میں اسٹریٹجک اسکیموں کے تحت نافذ کیے ہیں۔

نیشنل واٹر کمپنی کا کہنا ہے کہ ان منصوبوں کی بدولت ریاض میں آبی و ماحولیاتی خدمات کا معیار بلند ہوگا جبکہ سعودی شہریوں اور مقیم غیر ملکیوں کو فراہم کی جانے والی خدمات کا دائرہ بھی وسیع ہوگا۔

کمپنی کے مطابق 14 نئے منصوبے 178 کلو میٹر کے دائرے میں پھیلے ہوئے ہیں، ان میں سے 7 آبی منصوبے 30 کلو میٹر جبکہ نکاسی آب کے 7 منصوبے 148 کلو میٹرطویل ہیں۔

کمپنی کا کہنا ہے کہ نئے منصوبوں سے العزیزیہ، الدار البیضا، الربوۃ، الروابی، المونسیا، الندوی، الخزامی سمیت 23 محلوں کے باشندوں کو فائدہ پہنچے گا۔

fb-share-icon0
Tweet 20

Comments

comments

یہ بھی پڑھیں