ریاض : سعودی حکام نےسروسز پورٹل بھی جاری کیا ہے کہ جس کے ذریعے خواتین پاسپورٹس کے حصول، اس کی شکایات اور دیگر امور کے بارے میں حکام کے ساتھ رابطہ کرسکتی ہیں۔
تفصیلات کے مطابق سعودی عرب میں پاسپورٹ کے جنرل ڈائریکٹوریٹ نے ایک بیان میں بتایا کہ دارالحکومت الریاض میں خواتین کے پاسپورٹ کے حصول کے طریقہ کار میں آسانی پیدا کرنے کے لیے لیڈیز پاسپورٹس سیکشن کا افتتاح کردیا گیا ہے۔
As many as 9,000 adult #Saudi women have obtained their passports through @Absher electronic portal, without seeking the consent of their legal guardian. https://t.co/N9Dr4aWQx1
— Saudi Gazette (@Saudi_Gazette) October 11, 2019
پاسپورٹ ڈاریکٹوریٹ کے میجر جنرل سلیمان الیحییٰ نے کہا ہے کہ ریاض کے علاقے میں خواتین کےلیے پاسپورٹس سیکشن کا افتتاح خدمات کی تقسیم کی حکمت عملی کا حصہ ہے جس کا مقصد شہریوں کو پاسپورٹس کے حصول میں زیادہ سے زیادہ آسانیاں فراہم کرنا ہے۔
ڈائریکٹوریٹ آف پاسپورٹ نے انکشاف کیا ہے کہ گذشتہ اگست میں جاری کردہ سفری اور شہری حیثیت کی دستاویزات میں ترمیم کے بعد ابشر الیکٹرانک نظام کے توسط سے 9 ہزار سعودی خواتین نے پاسپورٹ حاصل کیے جبکہ 5 ہزار خواتین نے ریاست کے دیگر شہروں میں اپنے کاغذات کے ذریعے آزادنہ طورپر پاسپورٹس بنوائے ہیں۔
خیال رہے کہ نئے قانون کے تحت سعودی خواتین بغیر سرپرست کے پاسپورٹس حاصل کرکے بیرون ملک سفر کرسکتی ہیں۔
عرب خبر رساں ادارے کا کہنا تھا کہ معلومات کے حصول کے لیے سروسز پورٹل بھی جاری کیا گیا ہے،جس کی مدد سے خواتین پاسپورٹس کے حصول، اس کی شکایات اور دیگر امور کے بارے میں حکام کے ساتھ رابطہ کرسکتی ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں