پاکستان کوسٹ گارڈز نے بلوچستان کے شہر پسنی میں بڑی کارروائی کرتے ہوئے جھاڑیوں اور زیرِ زمین چھپائی گئی 1488 کلو گرام چرس برآمد کر لی۔
ترجمان کوسٹ گارڈز کے مطابق بھاری مقدار میں منشیات اسمگلنگ ہونے کی اطلاع ملی جس پر علاقہ کمانڈر نے آفیسرز اور اہلکاروں پر مشتمل سرچ پارٹیاں تشکیل دیں۔
جوسٹ گارڈ نے دوران سرچ پسنی کے علاقے کلانچ سے 1488 کلو گرام اعلیٰ کوالٹی کی چرس برآمد کی جو راتوں رات سمندر کے راستے بیرون ملک اسمگل ہونا تھی۔
ترجمان کے مطابق پکڑی جانے والی منشیات کی بین الاقوامی مارکیٹ میں مالیت 24.83 ملین ڈالر کے لگ بھگ ہے، چرس قبضے میں لے کر قانونی کارروائی شروع کر دی گئی۔
کوسٹ گارڈز نے کہا کہ منشیات کی روک تھام کیلیے ہمہ وقت مصروف عمل ہیں اور منشیات کی لعنت سے معاشرے کو صاف کرنے میں اپنے کردار ادا کرتے رہیں گے۔
