The news is by your side.

Advertisement

لاڑکانہ: 15 سالہ بچہ جنسی زیادتی کے بعد قتل

لاڑکانہ: نوڈیرو کے علاقے میں لاپتہ ہونے والے 15 سالہ بچے کو جنسی زیادتی کے بعد قتل کردیا گیا۔

تفصیلات کے مطابق لاڑکانہ کے علاقے نوڈیرو میں کھیتوں سے 15 سالہ بچے کی لاش برآمد ہوئی، پولیس اور ریسکیو کی ٹیمیں اطلاع ملنے پر جائے وقوعہ پہنچی اور لاش کو اسپتال منتقل کیا۔

اسپتال پہنچنے پر لاش کی شناخت رحمان دایو کے نام سے کی گئی، میڈیکل رپورٹ میں بچے سے جنسی زیادتی کے شواہد بھی ملے ہیں، پولیس نے مطابق مقتول کو ایک روز قبل گھر کے پاس سے اغوا کیا گیا تھا۔

پولیس حکام کا کہنا ہے کہ مقتول کی لاش برہنہ اور تشدد زدہ حالت میں برآمد ہوئی جبکہ بچے کے سر پر تیز دھار آلے سے وار کر کے بے دردی سے قتل کیا گیا، ابتدائی پورٹ میں جنسی زیادتی کے شواہد بھی ملے ہیں۔

دوسری جانب متاثرہ اہل خانہ کو جب لاش ملنے کی اطلاع دی گئی تو گھر پر کہرام مچ گیا، ورثاء کا کہنا ہے کہ رحمان ایک روز قبل دوائی لینے کے لیے گھر سے باہر گیا اور پھر لاپتہ ہوگیا تھا۔

پوسٹ مارٹم مکمل ہونے کے بعد لاش کو اہل خانہ کے حوالے کردیا گیا جبکہ پولیس نے تاحال واقعے کا مقدمہ درج نہیں کیا اور نہ ہی تحقیقات کے لیے کوئی اقدامات کیے۔

Print Friendly, PDF & Email

Comments

comments

یہ بھی پڑھیں