مسقط: خلیجی ملک عمان میں کوروناوائرس کے 151 نئے کیسز سامنے آئے اور 7 مریضوں کی اموات ہوئی ہیں۔
عرب میڈیا کی رپورٹ کے مطابق سلطنت عمان کی وزارت صحت نے ملک میں کوروناوائرس کی صورت حال سے متعلق تازہ اعدادوشمار جاری کردیے ہیں۔
رپورٹ میں بتایا گیا ہے کہ عمان میں گزشتہ چوبیس گھنٹوں کے دوران نئے ایک سو اکاون کیسز رپورٹ ہونے کے بعد کورونا سے متاثر ہونے والوں کی مجموعی تعداد 3 لاکھ 1 ہزار 450 ہوگئی ہے۔
اعدادوشمار کے مطابق ملک میں اب تک 4038 کورونا مریضوں کی اموات ہوچکی ہیں۔
عمانی محکمہ صحت کا کہنا ہے کہ گزشتہ 24 گھنٹوں کے دوران 266 مریضوں نے وبا کو شکست بھی دی جس کے بعد صحت یاب ہونے والے مریضوں کی تعداد 2 لاکھ 90 ہزار 410 ہوگئی۔
حکومت عوامی مقامات اور دیگر مراکز پر ایس او پیز پر سختی سے عمل درآمد کرارہی ہے۔
شہریوں کو ہدایت کی گئی ہے کہ وہ ماسک کا استعمال ہر صورت یقینی بنائیں، وبا سے حفاظت کے لیے ویکسینیشن بہت ضروری ہے، سماجی فاصلے کا بھی خیال رکھیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں