دبئی: آئی سی سی نے اگلے سال ہونے والے ویمنز کرکٹ ورلڈکپ کے شیڈول کا اعلان کردیا ہے۔
آئی سی سی کی جانب سے جاری بیان کے مطابق آئی سی سی ویمنزکرکٹ ورلڈکپ نیوزی لینڈ میں کھیلا جائےگا، فارمیٹ کے مطابق ہر ٹیم کو 7 گروپ میچز کھیلنا ہونگے۔
پاکستان کی وویمن ٹیم میگا ایونٹ کا آغاز روایتی حریف بھارت کے ساتھ ہونے والے میچ سے کرے گا، مقابلہ 6 مارچ کو ہوگا۔
وویمن ورلڈکپ میں قومی ٹیم اپنے دوسرا میچ آسٹریلیا کے خلاف کھیلے گی، 11 مارچ کو گرین شرٹس جنوبی افریقا سے مقابلے کے لئے میدان میں اتریں گی جبکہ 14 مارچ کو اس کا ٹاکرا بنگلہ دیش کے ساتھ ہوگا۔
The battle will be fierce as eight of the world's best teams collide at the #CWC22 in New Zealand 🤜🤛
Get your tickets NOW 👉 https://t.co/DSNC5XFngL pic.twitter.com/jR12NRkh7X
— ICC (@ICC) December 15, 2021
اکیس مارچ کو ویسٹ انڈیز کیخلاف پاکستان میدان میں اترے گا، 24مارچ کو پاکستان انگلینڈ سے ٹکرائے گا جبکہ میزبان نیوزی لینڈ سے پاکستان کا میچ 26 مارچ کو ہوگا۔
واضح رہے کہ پاکستان، بنگلادیش اور ویسٹ انڈیز ویمنز کرکٹ ٹیموں نے کوالیفائر میچز کھیل کر میگا ایونٹ میں رسائی حاصل کی ہے۔
ویمنز کرکٹ ورلڈکپ کوالیفائر میچز زمبابوے میں کھیلے گئے تھے تاہم کرونا وائرس کی نئی وبا ‘اومیکرون’ کے باعث ان کو ملتوی کردیا گیا تھا۔