The news is by your side.

Advertisement

17 ویں سندھ گیمز: کراچی 126 گولڈ میڈلز کے ساتھ فاتح قرار، وزیر اعلیٰ سندھ کی مبارک باد

کراچی: 17 ویں سندھ گیمز کے فائنل کے نتائج کا اعلان کر دیا گیا جس کے تحت کراچی 126 گولڈ میڈلز حاصل کر کے فاتح قرار پایا، اس موقع پر وزیر اعلیٰ سندھ سید مراد علیٰ شاہ نے وزیر کھیل سمیت کھلاڑیوں کو مبارک باد پیش کی۔

تفصیلات کے مطابق سندھ گیمز میں کراچی 126 گولڈ میڈلز حاصل کر کے سرفہرست رہا اور حیدر آباد 15 گولڈ میڈلز کے ساتھ دوسرے نمبر پر جبکہ سکھر نے 12 گولڈ میڈلز حاصل کر کے تیسری پوزیشن حاصل کی۔

علاوہ ازیں میرپور خاص 7 گولڈ میڈلز کے ساتھ چوتھےنمبر پر براجمان ہوسکا، اور شہید بینظیر آباد 6 گولڈ میڈلز کے ساتھ پانچویں نمبر پر جبکہ لاڑکانہ ڈویژن 4 گولڈ میڈلز کے ساتھ چھٹی پوزیشن حاصل کرنے میں کامیاب رہا۔

سہولیات کا فقدان، ایتھلیٹس پریشان، سندھ گیمز مذاق بن گئے

اس موقع پر وزیر اعلیٰ سندھ سید مراد علی شاہ نے کامیاب ایونٹ پر مبارک باد پیش کرتے ہوئے کہا کہ سندھ گیمز جیسے ایونٹس مستقبل میں بھی منعقد کئےجائیں گے اور اس دوران ایتھلیٹس کو اپنی صلاحیتوں کا بھر مظاہرہ کرنے کا موقع فراہم کریں گے۔

انہوں نے کہا کہ کراچی میں سندھ گیمز کا کامیاب انعقاد کیا گیا اور امید ہے کھیل کے شعبے میں اس سال مزید کامیابیاں حاصل کریں گے، سندھ گیمز کے انعقاد پر وزیر کھیل سندھ اور تمام ایتھلیٹس کو مبارک باد پیش کرتا ہوں، انشااللہ اب یہ گیمز کا سلسلہ جاری رہے گا۔

مراد علیٰ شاہ کا مزید کہنا تھا کہ سندھ حکومت نے ناصرف کھیل بلکہ ہر شعبے میں بڑھ چڑھ کر حصہ لیا اور اسے کامیاب بنانے کی بھرپور کوشش کی، مستقبل میں بھی مختلف شعبوں کی بہتری کے لیے کام کریں گے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں