تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

لیبیا، ساحلی علاقے سے 74 افراد کی لاشیں برآمد

ٹریپولی : لیبیا کے جنوبی ساحل سے تین خواتین سمیت 74 پناہ گزینوں کی لاشیں برآمد ہوئی ہیں جن کی شناخت تاحال نہیں ہو سکی ہے۔

بین الاقوامی خبر رساں ادارے کے مطابق لیبیا کے جنوبی علاقے میں موجود شہر الذاویہ کے ساحلی علاقے سے 74 پناہ گزینوں کی لاشیں ملی ہیں جن میں اکثریت ادھیڑ عمر مردوں کی ہیں تا ہم جاں بحق ہونے والوں میں تین خواتین بھی شامل ہیں۔

ریسکیو ادارے کے ترجمان نے میڈیا سے بات کرتے ہوئے بتایا کہ لاشوں کی حالت زار سے معلوم ہوتا ہے کہ لاشیں دو روز پرانی ہیں جب کہ خدو خال اور شکل و صورت سے تمام افراد ادھیڑ عمر افریقی مرد لگتے ہیں جب کہ تین خواتین کی بھی لاشیں ملی ہیں۔

الذاویہ کے ساحل سے ملنے والی 74 پناہ گزینوں کی لاشیں اپنی نوعیت کا پہلا واقعہ نہیں بلکہ غیر قانونی طور پر سرحد پار کرنے کی کوشش میں اپنی جانوں سے ہاتھ دھونے کے واقعات میں تیزی سے اضافہ ہوتا جا رہا ہے۔

واضح رہے لیبیا یورپ میں داخل ہونے کا بنیادی راستہ ہے جہاں سے کئی پناہ گزین اچھے مستقبل کا خواب آنکھوں میں سجائے سرحد پار کرنے کی کوشش کرتے ہیں جس میں کچھ خوش قسمت لوگ تو کامیاب ہو جاتے ہیں لیکن اکثر بدنصیب بے رحم لہروں کی خوراک بن جاتے ہیں۔

حالیہ دنوں میں ایسے واقعات میں تیزی سے اضافہ دیکھنے میں آیا ہے جس کی وجہ عالمی سطح پر جاری خانہ جنگی کے علاوہ غربت کا بھی بڑا عمل دخل ہے۔

Comments

- Advertisement -