The news is by your side.

Advertisement

یو اے ای، 18 سالہ لڑکی نے عمارت سے چھلانگ لگا کر خودکشی کرلی

شارجہ: متحدہ عرب امارات کی ریاست شارجہ میں 18 سالہ اماراتی لڑکی نے عمارت سے چھلانگ لگا کر خودکشی کرلی۔

غیرملکی خبررساں ادارے کی رپورٹ کے مطابق شارجہ کے علاقے الند القاسمیا میں 18 سالہ لڑکی نے عمارت کے 14ویں فلور سے چھلانگ لگا کر اپنی زندگی کا خاتمہ کرلیا۔

شارجہ پولیس نے واقعے کی تفتیش شروع کردی ہے، ابتدائی رپورٹ کے مطابق پولیس کو شبہ ہے کہ لڑکی نے خودکشی کی ہے۔

رپورٹ کے مطابق پولیس کو اس واقعے کیا اطلاع گزشتہ روز صبح 9 بج کر 40 منٹ پر ملی اور فرانزک ماہرین، سی آئی ڈی افسران اور ایمبولینس کی ٹیمیں فوری روانہ کی گئیں۔

پولیس نے جائے وقوعہ سے شواہد اکٹھے کرنے کے بعد نعش کو فرانزک لیبارٹری منتقل کیا اور اہل خانہ کو تفتیش کے لیے حراست لے لیا۔

مزید پڑھیں: شارجہ: پاکستانی شخص نے کثیرالامنزلہ عمارت سے چھلانگ لگا کر خودکشی کرلی

پولیس کا کہنا ہے کہ واقعے سے دو روز قبل لڑکی کے لاپتا ہونے کی شکایت درج کرائی گئی تھی۔

رپورٹ کے مطابق فوری طور یہ واضح نہیں ہوسکا ہے کہ مقتولہ اس اپارٹمنٹ میں اہل خانہ کے ساتھ مقیم تھی یا نہیں تاہم الغرب پولیس اسٹیشن میں اس کے لاپتا ہونے کی شکایت درج کرائی گئی تھی۔

واضح رہے کہ نوجوانوں کے عمارت سے گرنے کا رواں ماہ میں یہ تیسرا واقعہ پیش آیا ہے۔

شارجہ پولیس نے اہل خانہ پر زور دیا ہے کہ وہ اپنے نوعمر بچوں کے ساتھ محبت اور پیار سے پیش آئیں اور اس بات کو یقینی بنائیں کہ وہ ہمیشہ محفوظ رہیں۔

Comments

یہ بھی پڑھیں