پیانگ یانگ: شمالی کوریا نےامریکہ کوخبردارکیاہےکہ وہ امریکہ کی جانب سے کیےجانےوالے حملے کےجواب میں جوہری حملے کے لیےتیارہے۔
تفصیلات کےمطابق شمالی کوریا کےبانی صدر کم ال سنگ کی 105 ویں یوم پیدائش کی تقریبات کےموقع پرشمالی کوریا نے امریکہ کو تبیہ کی ہےکہ وہ امریکہ کےحملے لیے تیارہے۔
شمالی کوریا کےعسکری حکام نےبیان میں کہا ہے’ہم جنگ کا جواب جنگ سے دینے کے لیے تیار ہیں۔اگر ہم پر نیوکلیئرحملہ کیا گیا تو ہم اپنے انداز سے ایٹمی حملہ کرکے جواب دینےکو تیارہیں۔’
خیال رہےکہ شمالی کوریا نےپریڈ میں پہلی بار بیلسٹک میزائل کی نمائش کی جو آبدوز سے لانچ کیےجانے والے میزائل سے مشابہت رکھتا ہے۔اس میزائل میں ایٹمی وار ہیڈ لے جانے کی صلاحیت بھی ہے۔
شمالی کوریا کےحوالے سےکشیدگی بڑھ رہی ہے‘چین
یاد رہےکہ اس سے قبل چین نےخبردار کیا تھا کہ شمالی کوریا کےحوالے سے کشیدگی بڑھ رہی ہے اور ‘کسی بھی وقت لڑائی چھڑ سکتی ہے۔
چینی وزیرخارجہ وانگ یی کاکہناہےکہ شمالی کوریاکے حوالے سے اگرجنگ شروع ہوئی تواس میں جیت کسی کی نہیں ہوسکتی۔
ٹرمپ کا شمالی کوریا کے خلاف کارروائی کا عندیہ
واضح رہےکہ رواں ہفتے امریکی صدر ڈونلڈ ٹرمپ نے شام پر میزائل حملوں کے بعد شمالی کوریا کے خلاف بھی کارروائی کا عندیہ دے دیاتھا۔
