تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

190 ملین پاؤنڈ کا کیس : شیخ رشید کا تحریری جواب نیب میں جمع

اسلام آباد : سابق وزیرداخلہ شیخ رشید نے 190 ملین پاؤنڈ کے کیس میں نیب میں تحریری جواب جمع کرادیا، جس کے بعد نیب نے شیخ رشید کو دوبارہ سمن جاری کرنے کا فیصلہ کرلیا۔

تفصیلات کے مطابق 190 ملین پاؤنڈ کیس میں سابق وزیر داخلہ اور عوامی مسلم لیگ کے سربراہ شیخ رشید ذاتی طور پر نیب میں پیش نہ ہوئے تاہم ان کے وکیل نے نیب میں تحریری جواب جمع کرادیا۔

جواب میں کہا گیا کہ شیخ رشید کو نیب کا کوئی تحریری نوٹس نہیں ملا، جس شخص کے نام سے نوٹس موصول ہوا وہ ایک برس قبل انتقال کر گیاہے، میڈیا کے ذریعے شیخ رشید کو معلوم ہوا انہیں القادر ٹرسٹ کیس میں طلب کیا گیا ہے۔

تحریری جواب میں کہنا تھا کہ شیخ رشید کی گرفتاری کے لیے پولیس چھاپے ماررہی ہے، ان کی والدہ کے گھر پولیس توڑ پھوڑ اور چھاپے مار رہی ہے، شیخ رشید کی جان کو خطرہ ہے۔

جواب کے مطابق کابینہ میں55 سے زائد وزرا موجود تھے، کابینہ میٹنگ کا ریکارڈ حکومت کے پاس موجود ہے، اگر نیب کو ضرورت ہوئی تو آئندہ پیشی پر پیش ہوکر جواب دے دیں گے۔

نیب ذرائع نے بتایا ہے کہ شیخ رشید کودوبارہ سمن جاری کرنے کافیصلہ کرلیا ہے ، شیخ رشید کو کچھ دن تک نیب کی جانب سے دوبارہ نوٹس بھیجا جائے گا۔

Comments

- Advertisement -