لاہور: صوبہ پنجاب میں گراں فروشی اور منافع خوری پر 194 افراد کو گرفتار کرلیا گیا جبکہ 188 مقدمات درج کیے گئے۔
تفصیلات کے مطابق چیف سیکرٹری پنجاب کی زیر صدارت پرائس کنٹرول اقدامات کا جائزہ اجلاس ہوا، اجلاس میں بریفنگ میں بتایا گیا کہ گران فروشی پر ایک ہفتے میں 194 افراد کو گرفتار کیا گیا جبکہ 188 مقدمات درج کیے گئے۔
بریفنگ میں کہا گیا کہ ناجائز منافع خوری پر 75 لاکھ روپے سے زائد جرمانے بھی عائد کیے گئے ہیں۔
- Advertisement -
چیف سیکریٹری نے درآمد شدہ چینی کی مقررہ نرخ پر فروخت یقینی بنانے کی ہدایت کرتے ہوئے کہا کہ درآمد شدہ چینی سہولت بازاروں میں 81 روپے کلو دستیاب ہوگی۔
انہوں نے کہا کہ درآمد شدہ چینی کی عام دکانوں پر 84 روپے فی کلو دستیابی کو یقینی بنایا جائے۔
