The news is by your side.

Advertisement

پاکستان اور انگلینڈ کے درمیان پہلا ون ڈے آج ہوگا

کارڈف: پاکستان اور انگلینڈ کے درمیان ون ڈے سیریز کا آغاز آج ہونے جارہا ہے، دونوں ٹیمیں صوفیا گراؤنڈ کارڈف میں آمنے سامنے ہوں گی۔

میچ سے قبل پاکستانی اور انگلش اسکواڈ کےکرونا ٹیسٹ منفی آئے،دو روز قبل کرونا کے باعث انگلینڈ کا پورا اسکواڈ تبدیل ہوا تھا، انگلش آل راؤنڈر بین اسٹوکس کو ٹیم کی قیادت سونپی گئی ہے، دیگر کھلاڑیوں میں ثاقب محمود، گریک اورٹن، ڈیوڈ پین، جون سمپسن، زیک کرالی، لوئس گریگوری، ڈین لارنس، جیمزونس، میٹ پارکنسن، ڈیوڈملان،فل سالٹ، بین ڈکٹ، جیک بال، ڈینی برگس، بریڈن چیس،ٹام ہیلم اور ول جیکس شامل ہیں۔

دلچسپ بات یہ ہے کہ انگلینڈ کی جانب سے نئے اسکواڈ میں نو کھلاڑی ایسے ہیں جو ابھی تک انٹرنیشنل کرکٹ میں قومی ٹیم کی نمائندگی نہیں کرسکے، پاکستان اور انگلینڈ کے دوران شروع ہونے والی سیریز میں پہلا موقع ہوگا جب اتنی زیادہ تعداد میں کھلاڑیوں کو ون ڈے کیپ دی جائے گی۔

یہ بھی پڑھیں: ‏’یونس خان کے نہ ہونے سے فرق پڑے گا ‘‏

پاکستان کے خلاف ون ڈے سیریز میں انگلینڈ کو تیسری پوزیشن بچانےکاچیلنج درپیش ہے،پاکستان سے سیریز ہارے تو بھارت تیسرےنمبر پرآجائےگا پاکستان کی چھٹی پوزیشن برقرار رہےگی ، قومی ٹیم نے 1974سےانگلینڈ میں سیریز نہیں جیتی ہے۔

پاکستانی ٹیم میں سعود شکیل کے ڈیبیو کا امکان ہے جبکہ قومی ٹیم کے مڈل آرڈر کو سہارا دینے کے لئے صہیب مقصود کو ٹیم میں شامل کئے جانے کا امکان ہیں۔

Comments

یہ بھی پڑھیں