The news is by your side.

کراچی میں ایک ہی موٹر سائیکل پر 2 بچوں کا اغوا کیسے کیا گیا؟ ویڈیو دیکھیں

کراچی : شاہ فیصل کالونی سے ایک موٹرسائیکل پر 2بچوں کے اغوا کی سی سی ٹی وی فوٹیج سامنے آگئی، جس میں دیکھا جاسکتا ہے ایک بچے کو ٹنکی اور بڑے کوپیچھے بٹھایا۔

تفصیلات کے مطابق کراچی کے علاقے شاہ فیصل کالونی سے 2 بچوں کے اغواء سے متعلق مکمل تفصیلات اور سی سی ٹی وی فوٹیج سامنے آگئی۔

تفتیشی حکام نے بتایا کہ بچے اپنے گھر سے ٹیوشن کیلئے نکلے تھے، ٹیوشن پہنچنے کے بعد بچوں نے ڈور بیل بجائی، جہاں پہلے سے موجود اغواکار بچو ں کے پاس آئے۔

حکام کا کہنا تھا کہ اغواء کاروں نے بچوں کوموٹر سائیکل پر بیٹھنے کا کہا، بچوں نے منع کیا تو کہا ابو نے چیز دلانے کیلئے بھیجا ہے، چھوٹے بچے کو موٹر سائیکل کی ٹنکی پر بڑے کوپیچھے بٹھایا اور دوسرا اغواء کار بچے کے پیچھے موٹر سائیکل پر بیٹھ گیا۔

تفتیشی حکام نے کہا کہ ٹیوشن سینٹر کی جانب سے جب دروازہ کھولا گیا تو باہر کوئی نہیں تھا اور ایک موٹر سائیکل پر 2 ملزمان دونوں بچوں کو اغواء کرکے لے جاچکے تھے۔

ملزمان کو مختلف سی سی ٹی وی فوٹیجز میں دیکھا جاسکتا ہے، رینجرز ٹیکنیکل ٹیم نے ڈیجیٹیل معلومات کی بنا پر آپریشن کیا۔

Comments

یہ بھی پڑھیں