کراچی: شہر قائد میں غیر قانونی ٹرک اڈا چلانے والے کالعدم ٹی ٹی پی کے 2 سہولت کار گرفتار کر لیے گئے۔
سی ٹی ڈی ترجمان کے مطابق کراچی کے علاقے سہراب گوٹھ میں ایک کارروائی کے دوران کالعدم ٹی ٹی پی کے دو سہولت کاروں کو گرفتار کر لیا گیا۔
دہشت گردوں کی سہولت کاری پر حکومت سندہ نے فورتھ شیڈول میں بھی نوٹیفائڈ کیا تھا، ملزمان حسن گل محسود اور بشیر کے قبضے سے دہشت گردی کے لیے فنڈنگ کی کثیر رقم برآمد ہوئی، ملزمان نے امیر کالعدم تنظیم ٹی ٹی پی کی ہدایت پر جدید اسلحہ خریدا تھا، یہ ہتھیار فنڈنگ سے حاصل کردہ ایک لاکھ 60 ہزار روپے سے خریدا گیا۔
ملزمان کی نشان دہی پر 2 نائن ایم ایم پستول برآمد کیے گئے، ملزمان سپر مارکیٹ علاقہ تھانہ گلزار ہجری پر غیر قانونی ٹرک اڈا چلا رہے تھے، اور اڈے سے حاصل منافع سے کالعدم تنظیم کے دہشت گردوں کی مالی معاونت کرتے تھے۔
ملزمان کے خلاف تھانہ سی ٹی ڈی کراچی میں ٹیرر فنڈنگ و اسلحے کے مقدمات درج کر لیے گئے ہیں۔
نذیر شاہ کراچی میں اے آر وائی نیوز سے وابستہ سینئر صحافی اور کرائم رپورٹر ہیں، وہ 14 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔