The news is by your side.

Advertisement

کشتی نہ ملی تو گدا ہی سہی، بھارتی نوجوانوں کی ویڈیو وائرل

نئی دہلی: بھارتی شہر ممبئی میں شدید بارشوں نے شہر کا حشر نشر کردیا، ایسے حالات میں بھی شہر کے لوگ ہنسی مذاق سے باز نہ آئے اور عجیب و غریب حرکتیں کرتے پائے گئے۔

سوشل میڈیا پر وائرل ایک ویڈیو میں دیکھا جاسکتا ہے کہ پانی سے بھری ہوئی ایک سڑک پر جہاں لوگ مشکل سے آ جارہے ہیں، وہیں دو نوجوان ایک گدے پر آرام سے لیٹے دکھائی دے رہے ہیں جبکہ گدا پانی میں تیر رہا ہے۔

سوشل میڈیا پر اس ویڈیو کو 4 ہزار سے زائد لائکس موصول ہوئے۔

ٹویٹر صارفین نے اس پر دلچسپ تبصرے کیے، کسی نے اسے ممبئی اسٹائل قرار دیا، تو کوئی اسے دیکھ کر فلم ٹائیٹینک کے جیک اور روز کو یاد کرنے لگا۔

خیال رہے کہ ممبئی میں بارش کا 46 سالہ ریکارڈ ٹوٹ چکا ہے، ممبئی کے جنوبی علاقے کولابا میں 24 گھنٹوں کے دوران 331 ملی میٹر بارش ریکارڈ کی گئی۔

مقامی میڈیا کے مطابق بارش کے باعث ٹرین، بس سروس، دفاتر اور دیگر ضروری سروسز بند کردی گئیں، بھارتی محکمہ موسمیات کے مطابق ممبئی میں 5 روز کے دوران مون سون کی 64 فیصد بارش ہوئی۔

Comments

یہ بھی پڑھیں