The news is by your side.

2 چور درجنوں لوگوں کے سامنے ایپل اسٹور لوٹ کر فرار

امریکا میں 2 چور ایپل اسٹور سے دن دہاڑے آئی فونز اور آئی پیڈز اٹھا کر آرام سے بھاگ نکلے اور کسی نے انہیں روکنے کی کوشش نہیں کی، ویڈیو سوشل میڈیا پر وائرل ہونے کے بعد اسٹور کا عملہ تنقید کی زد میں آگیا۔

امریکی میڈیا کے مطابق مذکورہ واقعہ کیلی فورنیا میں واقع ایپل اسٹور پر بلیک فرائیڈے کی سیل کے دوران پیش آیا جس کی ویڈیو وہاں موجود ایک گاہک نے بنا لی۔

ویڈیو میں دیکھا جاسکتا ہے کہ لوگوں سے کھچا کھچ بھرے اسٹور میں ماسک لگائے 2 چوروں نے ڈسپلے پر سے آئی فونز اور آئی پیڈز اٹھانا شروع کردیے، دونوں نے تیزی سے ڈسپلے پر سے کئی اشیا اٹھا کر اپنے بیگ اور جیبوں میں ڈال لیں۔

ان کی اس حرکت سے وہاں موجود لوگوں میں بے چینی شروع ہوگئی اور وہ ان سے دور ہٹنے لگے۔ کچھ افراد نے ویڈیو بھی بنانا شروع کردی۔

 

View this post on Instagram

 

A post shared by PPV-TAHOE (@ppv_tahoe)

اس دوران اسٹور کا عملہ شش و پنج میں مبتلا رہا، ویڈیو میں ایک شخص کو کہتے سنا جاسکتا ہے کہ کیا انہیں روکنا چاہیئے؟

تاہم چند منٹ میں اپنی کارروائی کر کے دونوں چور دروازہ کھول کر تیزی سے بھاگ گئے۔

ویڈیو سوشل میڈیا پر وائرل ہونے کے بعد اس پر تنقید شروع ہوگئی، لوگوں نے کہا کہ اسٹور کے عملے اور وہاں موجود لوگوں نے ان چوروں کو کیوں نہیں روکا۔

بعض افراد کا کہنا تھا کہ وہاں موجود لوگوں نے کچھ نہ کر کے بالکل صحیح کیا، اسٹور میں کافی سارے لوگ موجود تھے اور چور مسلح بھی ہوسکتے تھے، اگر انہیں روکا جاتا تو وہ کوئی پرتشدد کارروائی کر سکتے تھے جس سے وہاں موجود لوگوں کو نقصان پہنچ سکتا تھا۔

ایک اور شخص نے کہا کہ اسٹور میں موجود تمام اشیا انشورڈ تھیں، مالی نقصان پورا ہوجائے گا لیکن اگر کسی شخص کو کوئی نقصان پہنچتا تو وہ ناقابل تلافی ہوسکتا تھا۔

Comments

یہ بھی پڑھیں