لندن: تیزاب گردی کا ایک اور واقعہ، 2 ایشیائی نوجوانوں پر حملہ -
The news is by your side.

Advertisement

لندن: تیزاب گردی کا ایک اور واقعہ، 2 ایشیائی نوجوانوں پر حملہ

لندن: برطانوی دارالحکومت لندن میں تیزاب گردی کا ایک اور واقعہ پیش آگیا۔ مشرقی لندن کے علاقے میں نامعلوم افراد 2 ایشیائی نوجوانوں پر تیزاب پھینک کر فرار ہوگئے۔

مشرقی لندن کے علاقے بیتھنل گرین میں نامعلوم افراد نے 2 ایشیائی نوجوانوں پر تیزاب پھینک کر انہیں زخمی کردیا۔ حملہ آوروں نے نسل پرستانہ نعرے بھی لگائے۔

تیزاب سے جھلسے نوجوانوں نے قریبی دکاندار سے پانی اور مدد طلب کی۔ پولیس نے موقع پر پہنچ کر تیزاب کا اثر کم کرنے کے لیے نوجوانوں پر پانی ڈالا۔

پولیس کے مطابق حملہ آوروں کی تلاش جاری ہے۔

یاد رہے کہ لندن میں گزشتہ چند ماہ کے دوران ایشیائی افراد پر تیزاب حملوں میں نمایاں اضافہ ہوا ہے۔ جون میں ماڈل ریشم خان اور ان کے کزن پر تیزاب پھینکا گیا جس سے ان کا چہرہ بری طرح جھلس گیا تھا۔

جولائی میں مشرقی لندن میں 7 افراد کو تیزاب سے نشانہ بنایا گیا۔

اس سے قبل بھی لندن کے ایک کلب میں تیزاب گردی کے واقعہ میں 20 افراد زخمی ہوئے تھے۔


Comments

comments

یہ بھی پڑھیں