The news is by your side.

Advertisement

عید پر پنجاب میں قیدیوں کے لیے 2 ماہ کی معافی کا اعلان

لاہور: عید کے موقع پر پنجاب میں قیدیوں کے لیے 2 ماہ کی معافی کا اعلان کر دیا گیا، وزیر اعلیٰ پنجاب عثمان بزدار نے ڈسٹرکٹ جیل سرگودھا کا دورہ کر کے سہولتوں کا جائزہ لیا۔

تفصیلات کے مطابق عید الفطر کی آمد کی خوشی میں پنجاب حکومت نے صوبے بھر میں قیدیوں کی سزا میں دو ماہ کی کمی کا اعلان کر دیا۔

وزیر اعلیٰ پنجاب نے ڈسٹرکٹ جیل سرگودھا کا دورہ کر کے قیدیوں سے ان کے مسائل سنے اور صورت حال دریافت کی۔

جیل میں کم عمر بچے کو قتل کیس میں قید دیکھ کر وزیر اعلیٰ عثمان بزدار نے از سر نو تفتیش کی ہدایت کی اور کہا کہ جیل حکام بچوں کے لیے ٹی وی فراہم کریں۔

یہ بھی پڑھیں:  عیدالفطر 5 جون کو ہوگی، محکمہ موسمیات کی پیشگوئی

وزیر اعلیٰ نے ملاقاتی شیڈ پہنچ کر قیدیوں اور ان کے ملاقاتیوں سے بات چیت کی، عثمان بزدار نے ان سے رشوت لیے جانے کے بارے میں بھی استفسار کیا۔

دریں اثنا، وزیر اعلیٰ عثمان بزدار نے جیل کے کچن کا معائنہ کیا اور صفائی کے انتظامات کی ہدایت کی۔

خیال رہے کہ آج محکمہ موسمیات نے پیش گوئی کی ہے کہ شوال کا چاند 29 رمضان کو نظر آنے کا قوی امکان ہے اور عید الفطر 5 جون کو ہوگی، پورے ملک میں 4 جون کو چاند کی رویت ممکن ہے۔

Comments

comments

یہ بھی پڑھیں