ملک بھر میں کورونا کے وار جاری ہیں اور گزشتہ 24 گھنٹوں کے دوران مزید 2 مریض انتقال کرگئے جب کہ 121 نئے کیس رپورٹ ہوئے ہیں۔
قومی ادارہ صحت کے مطابق گزشتہ 24 گھنٹوں کے دوران ملک بھر میں 13 ہزار 945 ٹیسٹ کیے گئے جس میں سے 121 میں کیسز رپورٹ ہوئے اور شرح 0.87 فیصد رہی، ملک بھر میں اس وقت کورونا کے مریضوں کی تعداد 5 ہزار 117 ہے۔
این آئی ایچ کے مطابق ملک بھر کے مختلف اسپتالوں میں کورونا سے متاثرہ 72 مریضوں کی حالت تشویشناک ہے جنہیں انتہائی نگہداشت کے وارڈ میں رکھا گیا ہے۔
COVID-19 Statistics 22 September 2022
Total Tests in Last 24 Hours: 13,945
Positive Cases: 121
Positivity %: 0.87%
Deaths: 02
Patients on Critical Care: 72— NIH Pakistan (@NIH_Pakistan) September 22, 2022
قومی ادارہ صحت کے اعداد وشمار کے مطابق ملک بھر میں اب تک مجموعی طور پر 15 لاکھ 71 ہزار 894 افراد کورونا وائرس سے متاثر ہوئے جن میں سے 15 لاکھ 36 ہزار 170 مریض صحتیاب ہوچکے جب کہ مجموعی اموات کی تعداد 30 ہزار 607 ہوئی ہے۔