The news is by your side.

Advertisement

دو نومبر کا میچ پاکستان کے مستقبل کا فیصلہ کرے گا،عمران خان

مالا کنڈ : تحریک انصاف کے سربراہ نے کہا ہے کہ دو نومبر کا میچ میری زندگی کا سب سے اہم میچ ہے جس میں مد مقابل ٹیم گیارہ جعلی کھلاڑیوں پر مشتمل کرپشن کا ٹولہ ہے،یہ میچ پاکستان کے مستقبل کا فیصلہ کرے گا۔

مالا کنڈ میں ایک بڑے جلسے سے خطاب کرتے ہوئےانہوں نے کہا کہ ہمارے مدمقابل ٹیم کا کپتان کرپشن کا شہشاہ نواز شریف ہوگا جب کہ اس کی ٹیم میں شامل دیگر کھلاڑیوں میں شو باز شریف،معمولی ٹھیکے دار سے امیر ترین آدمی بننے والا امیر مقام،ایزی لوڈ والا اسفند یار ولی اور اکرم درانی جیسےکرپٹ لوگ ہوں گے جب کہ مولانا فضل الرحمان کو پتلون نہیں آسکے گی اس لیے وہ بارہویں کھلاڑی کے طور پر ٹیم کے ہمراہ ہوں گے۔

دوسری جانب میری ٹیم ہے جو پاکستان کے جنونی،صاف ستھرے،ایماندار اور محب الوطن لوگوں کی ٹیم ہوگی،ہم کشتیاں جلا کر میدان میں اتریں گے اور فتح مند ہوں کر لوٹیں گے۔

عمران خان نے دھرنے سے متعلق اس عزم کا اعادہ کیا کہ وزیراعظم نواز شریف کے استعفی یا تلاشی دینے تک اسلام آباد میں رہیں گے تا ہم اسپتال کے راستوں،ایمبولینس اور روز مرہ چیزیں خریدنے کی جگہوں کو کھلا رکھیں گے لیکن بیوروکریسی اور حکومت کو نہیں چلنے دیں گے،سرکاری دفاتر کو جانے والے راستوں کو بند رکھیں گے۔

چیرمین تحریک انصاف نے کہا دھمکی دی جارہی ہے کہ دھرنا کے شرکاء کو اسلام آباد آنے سے روکنے کے لیے پولیس کو استعمال کیا جائے گا،میں پنجاب پولیس کو کہتا ہوں کہ کسی بھی غیر آئینی اور غیر قانونی اقدام سے باز رہیں کیوں کہ ہم اپنا حق مانگنے آئیں گے جو آئین ہمیں دیتا ہے۔

عمران خان نے مزید کہا کہ ہم اسلام آباد میں کشتیاں جلا کر اسلام آباد آئیں گے اور 10 لاکھ لوگ اسلام آباد میں ایک اور نئی تاریخ رقم کریں گے اور وزیراعظم کے استعفی یا تلاشی تک دارلخلافہ کو لاک ڈاؤن کیے رکھیں گے۔

 

Comments

comments

یہ بھی پڑھیں