The news is by your side.

Advertisement

ڈکیت گروہ کے دوکارندے گرفتار،زیورات، رقم اوراسلحہ برآمد

کراچی : درخشاں پولیس نے خفیہ اطلاع پر کارروائی کرکے ڈکیت گروہ کے دو کارندے گرفتار کرلیے، ملزمان سے 90 تولہ سونا، 12 لاکھ نقد رقم اوراسلحہ برآمد ہوا ہے۔

تفصیلات کے مطابق کراچی کے علاقے درخشاں تھانے کی حدود سے پولیس نے خفیہ اطلاع پر کامیاب کارروائی کرتے ہوئے دو ڈاکوؤں کو حراست میں لے لیا۔

گرفتار ملزمان کا تعلق کراچی کے ایک بڑے 20رکنی ڈکیت گروہ سے ہے، ایس ایس پی ساؤتھ کا صحافیوں کو تفصیلات بتاتے ہوئے کہنا تھا کہ گرفتار ملزمان گھروں میں ڈکیتیاں کرنے کی متعدد وارداتوں میں ملوث ہیں جبکہ ان کے قبضے سے 90تولہ سونا،12لاکھ نقد رقم اور اسلحہ بھی برآمد ہوا ہے۔

انہوں نے کہا کہ ایک ملزم کا تعلق افغانستان جبکہ دوسرے کا کوئٹہ سے ہے، ملزمان موسم سرما میں کراچی آکر وارداتیں کرتے تھے۔


مزید پڑھیں: کراچی، سنارکی دکان میں ڈکیتی کی کوشش ناکام، دو ڈاکو گرفتار


ایس ایس پی ساؤتھ  کے مطابق دیگرملزمان کی گرفتاری کیلئے کراچی پولیس کی ٹیم بلوچستان میں موجود ہے، اور بہت جلد ڈکیت گروہ کے مزید کارندے بھی قانون کی گرفت میں ہوں گے۔


مزید پڑھیں: کراچی کی بہادر بیٹی نے موبائل چھیننے کی کوشش ناکام بنادی، ڈاکو گرفتار


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

 

Print Friendly, PDF & Email

Comments

comments

یہ بھی پڑھیں